আজি নাজিৰা মহকুমাধিপতি কাৰ্যালয়ৰ সন্মূখত ” বীৰ লাচিত সেনা, অসম” ৰ নাজিৰা আঞ্চলিক সমিতিৰ উদ্যোগত এক ” গণ বিক্ষোভ ” প্ৰতিবাদী কাৰ্যসূচী ৰূপায়ন কৰে ।
সংগঠনটোৰ শিমলুগুৰি আৰু গেলেকী আঞ্চলিক সমিতিৰ সহযোগত অনুষ্ঠিত এই গণ বিক্ষোভ প্ৰতিবাদী কাৰ্যসূচীত অত্যাধিক বিদ্যুৎ মাচুল হ্ৰাস কৰা আৰু স্মাৰ্ট মিটাৰ বন্ধ কৰা , অ’ এন জি চি অসম সম্পদৰ থলুৱা বিৰোধী নীতি বৰ্জন কৰা, নাজিৰা মহকুমাৰ সকলো ব্যৱসায়ী প্ৰতিষ্ঠানৰ নাম ফলক অসমীয়া ভাষাত লিখাৰ ব্যৱস্থা কৰা, লিগিৰীপুখুৰীস্থ কৰ্মশ্ৰী হিতেশ্বৰ শইকীয়া সোৱঁৰণি মহকুমা অসামৰিক চিকিৎসালয়ত সকলো বিভাগৰ চিকিৎসক নিযুক্তি দিয়া, মহকুমাটোৰ বিভিন্ন প্ৰান্তৰ বিধ্বস্ত পথ সমূহ অতি শীঘ্ৰে পুনৰ নিৰ্মাণৰ ব্যৱস্থা কৰা, নাজিৰা বোলছবি সমবায় সমিতিয়ে থলুৱাক প্ৰৱঞ্চনা কৰা কাৰ্য বন্ধ কৰা আদিকে ধৰি বিভিন্ন দাবীত ধৰ্ণাদি উত্তাল প্ৰতিবাদ সাব্যস্ত কৰে ।পিছত নাজিৰা মহকুমাধিপতিৰ যোগেদি 7 দফীয়া দাবী শীঘ্ৰে কাৰ্যকৰী কৰাৰ দাবীত জিলা আয়ুক্তলৈ এখনি স্মাৰক পত্ৰ প্ৰদান কৰে ।
