নগাঁও জিলাৰ বঢ়মপুৰ সমষ্টিৰ অন্তগত ভেৰভেৰী গাঁৱৰ নৰসিংহ ক্ষেত্রৰ শ্ৰী শ্ৰী মহামৃত্যুঞ্জয় মন্দিৰৰ প্ৰাঙ্গণত অদ্বিতীয় মৃত্যুঞ্জয় সাধক বাবা শ্ৰী শ্ৰী ভৃগুগিৰি মহাৰাজ প্ৰাৰব্ধ ১৮তম শ্ৰী শ্ৰী মহামৃত্যুঞ্জয় যজ্ঞ মহোৎসৱ অহা ৯ফেব্ৰুৱাৰীৰ পৰা ১৩ ফেব্ৰুৱাৰী তাৰিখলৈকে পাঁচদিনীয়া বিস্তৃত কাৰ্যসূচীৰে আয়োজন কৰা হৈছে।
এই পাঁচদিনীয়া বিস্তৃত কাৰ্যসূচীত ভাৰতবৰ্ষৰ বিভিন্ন প্ৰান্তৰৰ পৰা ২৮জন বেদব্যাস পণ্ডিতে অংশগ্ৰহণ কৰিব বুলি জানিব পৰা গৈছে।
৯ ফেব্ৰুৱাৰীৰ পৰা পাঁচদিনীয়াকৈ আৰম্ভ হোৱা কাৰ্যসূচী সমূহ হৈছে ক্ৰমে- ৯ ফেব্ৰুৱাৰী ৰাতিপুৱা ৬ বজাত-নগৰ পৰিক্ৰমা, বেদধ্বনি। ৰাতিপুৱা ৮-৩০ বজাত- ব্ৰাহ্মণ বৰণ।
ৰাতিপুৱা ১০ বজাত-৪৫জন বেদব্যাস পণ্ডিতৰ দ্বাৰা গুৰু পুজন।
ৰাতিপুৱা ১০-৩০ বজাত- স্বামী নিগমা নন্দৰ দ্বাৰা ধৰ্মধ্বজা উত্তোলন।
দিনৰ ১১ বজাত-জপ-যজ্ঞ আৰম্ভন। দুপৰীয়া ১২-৩০ বজাত-শ্ৰীশ্ৰী বিষ্ণু সহস্ৰ নাম পাঠ।
সন্ধিয়া ৬ বজাত- শ্ৰীমহামৃত্যুঞ্জয় যজ্ঞৰ অধিবাস ও মুৰ্ত্তি স্থাপন।
১০ ফেব্ৰুৱাৰি ৰাতিপুৱা ৬ বজাত-নগৰ পৰিক্ৰমা,বেদধ্বনি। ৰাতিপুৱা ৮ বজাত- আকাশীগঙ্গাত জলাৰোহন। ৰাতিপুৱা ১০ বজাত-যজ্ঞৰ আহুতি প্ৰদান।
দুপৰীয়া ১২-৩০ বজাত-শ্ৰীশ্ৰী বিষ্ণু সহস্ৰ নাম পাঠ। বিয়লি ১বজাত-আপ্যায়ণ। সন্ধিয়া ৬ বজাত-ব্যাস পণ্ডিতৰ দ্বাৰা আৰতি।
১১ ফেব্ৰুৱাৰী পুৱা ৬ বজাত:- নগৰ পৰিক্ৰমা, বেদধ্বনি। পুৱা ৮ বজাত-যজ্ঞৰ আহুতি প্ৰদান। দুপৰীয়া ১১ বজাত-মহামন্ত্র সমূহৰ ভাষ্যসহ বাবা ভৃগুগিৰি মহাৰাজৰ দ্বাৰা অসমীয়া অনুবাদ বিশ্বৰ সৰ্বোত্তম গ্ৰন্থ “অথৰ্ব বেদ” উন্মোচন।
গ্ৰন্থখনি উন্মোচন কৰিব বিত্ত, স্বাস্থ্য আৰু গড়কপ্তানী বিভাগৰ মন্ত্রী ড০ হিমন্ত বিশ্ব শৰ্মাই আৰু লগত উপস্থিত থাকিব বেদ গৱেষক স্বামী নিগমানন্দ।
ইয়াৰ পাছতে বিভিন্ন কাৰ্য্যসূচীৰ অন্তত শ্ৰী শ্ৰীমহামৃত্যুঞ্জয় যজ্ঞৰ পূৰ্ণাহুতি অনুষ্ঠিত হ’ব।
আনহাতে, শ্ৰী শ্ৰী মহামৃত্যুঞ্জয় যজ্ঞৰ পূৰ্ণাহুতিত ইচ্ছুক ভক্ত সকলে অংশ গ্ৰহণ কৰিব বিচাৰিলে কাৰ্য্যালয়ৰ লগত আগতীয়াকৈ যোগাযোগ কৰিব পাৰে।
উল্লেখযোগ্য যে, নগাঁৱৰ ভেৰভেৰীস্থিত নৰসাংহ ক্ষেত্ৰত ১২৬ ফুট উচ্চতা সামৰি নিৰ্মীয়মান অৱস্থাত থকা শ্ৰী শ্ৰী মহামৃত্যুঞ্জয় মন্দিৰ ভাগ সমগ্ৰ বিশ্বৰ ভিতৰতে সৰ্ববৃহৎ লিংগাকাৰ মন্দিৰ হিচাপে এই বছৰৰ ভিতৰতে নিৰ্মাণ কাৰ্য সম্পূৰ্ণ হোৱাৰ সম্ভাৱনা আছে।