ধূপধৰাৰ শালনিত অচেতন অৱস্থাত উদ্ধাৰ হৈছে দুই যুৱকক ৷ নিচাজাতীয় বস্তু খুৱাই বাহনেৰে পেলাই থৈ যায় যুৱক দুজনক ৷ আৰক্ষীয়ে অচেতন অৱস্থাত উদ্ধাৰ কৰি দুয়োকে চিকিৎসালয়ত ভৰ্তি কৰায়।
নিচাজাতীয় বস্তু খুৱাই ৰাজপথত ধন লুটৰ ঘটনা ৰাজ্যত সঘনাই সংঘটিত হৈ আহিছে৷ অচিনাকি বাহনেৰে যাত্ৰা কৰোতে ৷একাংশ দুষ্কৃতিকাৰীয়ে যাত্ৰীক গন্তব্যস্থানলৈ লৈ যোৱাৰ নামত সংঘটিত কৰি আহিছে দুষ্কাৰ্য ৷ গুৱাহাটীৰ পৰা গোৱালপাৰাৰ ১৭ নং ৰাষ্ট্ৰীয় ঘাইপথত সংঘটিত হৈছে এই চাঞ্চল্যকৰ ঘটনা ৷ সৰু চাৰিচকীয়া বাহনেৰ ঘৰত নমাই থোৱাৰ অজুহাতত ধন লুটি নিয়ে দুই যুৱকৰ পৰা ৷
লগতে পঢ়ক: পুনৰ ফিল্ডত নামিছে সাংসদ বদৰুদ্দিন আজমল! সাম্প্ৰদায়িক মন্তব্যৰে এইবাৰ কি লক্ষ্য মৌলানাৰ?
নিশা তিনিচুকীয়াৰ লিডুৰ কয়লা খনিৰ পৰা গোৱালপাৰাৰ লক্ষীপুৰৰ ঘৰলৈ আহি থকা দুগৰাকী শ্ৰমিকৰ পৰা নিচাজাতীয় খাদ্য খুৱাই দুৰ্বৃত্তই ধন সহ মোবাইল ফোন লুট কৰি নিয়ে ৷ দুৰ্ভগীয়া যুৱক দুজন লক্ষীপুৰ থানাৰ অন্তৰ্গত ভেৰভেৰী গাঁৱৰ ইব্ৰাহিম আলী আৰু মহৰ আলী৷
আৰক্ষীৰ সুত্ৰে জানিব পৰা অনুসৰি কালি দুয়োগৰাকী কয়লা খনিৰ শ্ৰমিকে লিডুৰ পৰা আহি গুৱাহাটীত নামে ৷ জালুকবাৰীত বাহনৰ বাবে ৰৈ থাকোঁতে এখন চাৰিচকীয়া বাহনত থকা দুজন লোকে লক্ষীপুৰলৈ যোৱাৰ কথা কৈ ঘৰত নমাই থোৱাৰ প্ৰতিশ্ৰুতি দিয়ে ৷ ভাড়া কিমান লাগিব বুলি সোধাত বাছৰ ভাড়াই দিব বুলি কোৱাত শ্ৰমিক দুজনে বাহন খনত উঠে ৷ বাটত চাহৰ লগত নিচাজাতীয় দ্ৰব্য খুৱাই অচেতন কৰি ঘন জংঘলৰ পথত পেলাই থৈ যায় ৷
লগতে পঢ়ক: বিশ্বকাপ খেলিবলৈ অহা তাৰকাৰ সতীৰ্থৰ পত্নীৰ সৈতে অবৈধ সম্পৰ্কৰ অভিযোগ
আজি পুৱা ধূপধৰা থানাৰ অন্তৰ্গত ১৭ নং ৰাষ্ট্ৰীয় ঘাইপথৰ সমীপৰ আমবাৰী-খেকাপাৰা পথত অচেতন অৱস্থাত দুয়োকে উদ্ধাৰ কৰা হয় ৷ দুয়োকে উদ্ধাৰ কৰি আৰক্ষীয়ে চিকিৎসাৰ ব্যৱস্থা কৰিছে যদিও মহৰ আলী নামৰ যুৱকজন বৰ্তমানো অচেতন অৱস্থাত আছে ৷ যুৱক দুজনৰ পৰা দুৰ্বৃত্তই মোবাইল ফোন সহ প্ৰায় লক্ষাধিক টকা লুট কৰি নিয়াৰ সন্দেহ কৰিছে আৰক্ষীয়ে ৷
