কেন্দ্ৰীয় স্বাস্থ্য আৰু পৰিয়াল কল্যাণ ৰাজ্যিক মন্ত্ৰী ড০ ভাৰতী প্ৰবীণ পাৱাৰ কোভিড-১৯ আক্ৰান্ত হৈছে।
মন্ত্ৰীগৰাকীয়ে তেওঁৰ অফিচিয়েল টুইটাৰ একাউণ্টত এই কথা প্ৰকাশ কৰিছে।টুইটাৰত তেওঁ লিখিছে—’ আজি মোৰ কোভিড-১৯ পৰীক্ষাৰ প্ৰতিবেদন পজিটিভ আহিছে আৰু মই ঘৰত আইছ’লেছনত আছো’।
যোৱা কেইদিনমানত তেওঁৰ সংস্পৰ্শলৈ অহা সকলোকে কোভিড পৰীক্ষা সম্পন্ন কৰোৱাবলৈও কেন্দ্ৰীয় মন্ত্ৰীগৰাকীয়ে অনুৰোধ জনাইছে।
ইফালে, ভাৰতত বৃহস্পতিবাৰে ৯০,৯২৮ টা নতুন কোভিড-১৯ৰ সংক্ৰমণ ধৰা পৰিছে।
যোৱা ২৪ ঘণ্টাত ৩২৫ গৰাকী লোকৰ কোভিডত মৃত্যু ঘটিছে। দেশত এতিয়ালৈকে কোভিডত মৃত্যু ঘটা মুঠ লোকৰ সংখ্যা ৪,৮২,৮৭৬ জনলৈ বৃদ্ধি হৈছে৷
স্বাস্থ্য মন্ত্ৰালয়ে প্ৰকাশ কৰা তথ্য অনুসৰি দেশত সক্ৰিয় কোভিড ৰোগীৰ সংখ্যা হৈছে ২,৮৫,৪০১ গৰাকী।
