বঙাইগাঁও জিলাৰ মানিকপুৰ আৰক্ষী থানাৰ অন্তৰ্গত নাম্বাৰপাৰাত যোৱা ৫ আগষ্টত কোকিলা প্ৰেছ ক্লাৱৰ উপসভাপতি তথা এটা ব্যক্তিগত চেনেল (আসাম টকছ) ৰ সাংবাদিক ৰফিক আলম বাইক দুৰ্ঘটনাত গুৰুতৰভাৱে আহত হয়।
দুৰ্ঘটনাটো সংঘটিত হোৱাৰ লগে লগে সাংবাদিকজনক চাকলা-কোকিলা ৰাজ্যিক চিকিৎসালয়ত ভৰ্ত্তি কৰা হয়।
কিন্তু ৰাজ্যিক চিকিৎসালয়খনত চিকিৎসক নথকাত উন্নত চিকিৎসাৰ বাবে সাংবাদিকজনক অন্য চিকিৎসালয় লৈ লৈ যাবলৈ পৰামৰ্শ দিয়ে চিকিৎসালয়ত থকা আন চিকিৎসা কৰ্মী সকলে।
স্থানীয় যুৱক ইকবাল হুছেইন আৰু ৰাজিবুল ইছলামে ঘৰলৈ ছিঙি যোৱা বিদ্যুত পৰিবাহী তাঁৰ মূল ৰাস্তাৰ তললৈ নমাই বান্ধি আছিল।
সেই সময়ত সাংবাদিক আলমে বাতৰি সংগ্ৰহ কৰি ঘৰলৈ আহি থকা অৱস্থাত বিদ্যুৎ পৰিৱাহী তাঁৰ মূৰত লগাত বাগৰি পৰি দুৰ্ঘটনাত পতিত হয়।
সাংবাদিকজনৰ As 19 F 1393 বাইক খন কিছু পৰিমাণে ক্ষতিগ্ৰস্ত হয় বুলি জানিব পৰা গৈছে।
বিদ্যুত বিভাগৰ কৰ্মচাৰীৰ গাফিলতিৰ বাবে সাংবাদিকজন দুৰ্ঘটনাত পতিত হয়।