দেশৰ অন্যতম আগশাৰীৰ উচ্চ শিক্ষানুষ্ঠান আইআইটি-বম্বেত ১.২ লাখ টকাৰ জৰিমনা বিহিছে, যিটো মোটামুটিভাৱে ছেমিষ্টাৰ মাচুলৰ সমতুল্য। ছাত্ৰজনৰ বিৰুদ্ধে অভিযোগ উত্থাপন কৰি তেওঁ ৰামায়ণৰ কাহিনীক ব্যংগ কৰা ‘ৰাহোৱন’ নামৰ নাট এখনত অংশ লৈছিল। ইণ্ডিয়ান এক্সপ্ৰেছত প্ৰকাশিত বাতৰি অনুসৰি একাংশ ছাত্ৰ-ছাত্ৰীয়ে এই সন্দৰ্ভত কৰ্তৃপক্ষৰ বিৰুদ্ধে আপত্তি প্ৰকাশ কৰে।
কৰ্তৃপক্ষই অভিযোগ কৰিছিল যে এই নাটকত ইচ্ছাকৃতভাৱে হিন্দু ধৰ্ম, সংস্কৃতি আৰু হিন্দু ধৰ্মক অসন্মান কৰা হৈছে। সেই ছাত্ৰজনৰ বাহিৰে আন কমেও ৭ জনৰ বিৰুদ্ধে কৰ্তৃপক্ষই অনুশাসনমূলক ব্যৱস্থা গ্ৰহণ কৰিছে। কিন্তু তেওঁলোকৰ বিৰুদ্ধে কেনেধৰণৰ শাস্তি বা কিমান জৰিমনা বিহিছে সেয়া জানিব পৰা হোৱা নাই। IIT-বম্বেৰ এগৰাকী মুখপাত্ৰই এই সন্দৰ্ভত কোনো মন্তব্য দিবলৈ অস্বীকাৰ কৰে।
৩১ মাৰ্চত আইআইটি-বম্বেৰ মুক্তিমঞ্চত অনুষ্ঠিত হৈছিল এক পৰিবেশন কলা উৎসৱ। সেই সময়ত এই নাটকখন মঞ্চস্থ কৰা হৈছিল। ৰাম-সীতাক অপমান কৰি ৰামায়ণৰ কাহিনীক ঠাট্টা কৰা বুলি অভিযোগ উত্থাপন হৈছে। ইয়াৰ ভিত্তিত অনুষ্ঠানটোৰ অনুশাসন সমিতিখনে নাটখনৰ অংশগ্ৰহণকাৰীসকলৰ বিৰুদ্ধে আচৰণ বিধি উলংঘা কৰাৰ বাবে ব্যৱস্থা গ্ৰহণ কৰিছে।
নাটকখনৰ তীব্ৰ বিৰোধিতা কৰা ‘আই আই টি বি ফৰ ইণ্ডিয়া’ নামৰ এটা কেম্পাছ গ্ৰুপে কমিটীৰ এই সিদ্ধান্তক আদৰণি জনাই লিখিছে। এই ছাত্ৰ-ছাত্ৰীসকলে শিক্ষাৰ স্বাধীনতাৰ অপব্যৱহাৰ কৰি ভগৱান শ্ৰীৰাম, মাতৃ সীতা আৰু ভগৱান লক্ষ্মণক উপহাস কৰিছিল,এয়া উচিত পদক্ষেপ।
