আগন্তুক উত্তৰ প্ৰদেশ বিধানসভা নিৰ্বাচনৰ বাবে এসপ্তাহতকৈও কম সময় বাকী থকাৰ সময়তে বিজেপিক এক প্ৰকাৰ সকীয়নি দিছে কৃষক নেতা ৰাকেশ টিকাইটে।
শাসনাধিষ্ঠিত বিজেপিৰ ওপৰত তীব্ৰ আক্ৰমণ চলাই টিকাইটে বিজেপিক সাম্প্ৰদায়িক নীতিৰ প্ৰৱৰ্তনৰ ক্ষেত্ৰত সাৱধানবাণী শুনায়।
বিজেপিৰ সাম্প্ৰদায়িক ৰাজনীতিৰ পসঙ্গ উত্থাপন কৰি টিকাইটে কয় যে মুজাফ্ফৰনগৰ হিন্দু-মুছলমান খেলৰ বাবে ষ্টেডিয়াম নহয়।
ভাৰতীয় কিষাণ ইউনিয়নৰ (বিকেইউ) ৰাষ্ট্ৰীয় মুখপাত্ৰগৰাকীয়ে কয় যে সাম্প্ৰদায়িক ভিত্তিত কথা কোৱা সকলে নিৰ্বাচনী নিৰ্বাচনী লাভৰ ভাগ নাপাব।
“পশ্চিম উত্তৰ প্ৰদেশে উন্নয়নৰ কথা ক’ব বিচাৰে। যিসকলে হিন্দু, মুছলমান, জিন্না, ধৰ্মৰ বিষয়ে কথা পাতিছে তেওঁলোকে ভোট হেৰুৱাব। মুজাফ্ফৰনগৰ হিন্দু-মুছলমান খেলৰ বাবে ষ্টেডিয়াম নহয়।” টিকাইটে হিন্দীত এটা টুইটত কয়।
पश्चिमी उत्तर प्रदेश विकास की बात करना चाहती है। हिंदू, मुस्लिम, जिन्ना, धर्म की बात करने वालो को वोट का नुकसान होगा
मुज़फ्फरनगर हिंदू- मुस्लिम मैच का स्टेडियम नही है#Election2022 @ANI @PTI_News— Rakesh Tikait (@RakeshTikaitBKU) February 6, 2022
আন এটা টুইটত তেওঁ কৃষকসকলক আগন্তুক নিৰ্বাচনত অৱতীৰ্ণ হোৱা ভাৰতীয় জনতা পাৰ্টিৰ (বিজেপি) প্ৰাৰ্থীসকলক কেন্দ্ৰৰ তিনিখন কৃষি আইনৰ বিৰুদ্ধে বছৰজোৰা প্ৰতিবাদৰ সময়ত প্ৰাণ হেৰুওৱা কৃষকসকলৰ বিষয়ে প্ৰশ্ন কৰিবলৈ আহ্বান জনায়।
“দেশৰ প্ৰধানমন্ত্ৰীয়ে আন্দোলনৰ সময়ত শ্বহীদ হোৱা কৃষকসকলৰ নামো লোৱা নাই। আজিলৈকে প্ৰধানমন্ত্ৰীয়ে আন্দোলনত প্ৰাণ হেৰুওৱা কৃষকসকলক শ্বহীদ বুলি উল্লেখ কৰিবলৈ এৰাই চলিছে। কৃষকসকলে তেওঁলোকৰ প্ৰাৰ্থীসকলক প্ৰশ্ন কৰা উচিত।” টিকাইটে কয়।
देश के प्रधानमंत्री जी ने आंदोलन में शहीद किसानों का नाम तक नही लिया।आज तक प्रधानमंत्री जी ने आंदोलन में जान गवाने वाले किसानों को शहीद कहने से परहेज किया
इनके प्रत्याशियों से किसान सवाल करे#FarmersProtest #Election2022 @ANINewsUP @Kisanektamorcha @PTI_News— Rakesh Tikait (@RakeshTikaitBKU) February 6, 2022
উল্লেখ্য যে বিকেইউৰ মুখ্য কাৰ্যালয় পশ্চিম উত্তৰ প্ৰদেশৰ মুজাফ্ফৰনগৰ জিলাত অৱস্থিত। মুজাফ্ফৰনগৰত ২০১৩ চনত সাম্প্ৰদায়িক সংঘৰ্ষ হৈছিল আৰু ইয়াৰ পিছত অঞ্চলটোৰ প্ৰভাৱশালী জাট আৰু মুছলমান সম্প্ৰদায়বোৰ স্পষ্টতঃ পৃথক হৈ পৰিছিল।
বিজেপিয়ে ২০১৭ চনৰ উত্তৰ প্ৰদেশ বিধানসভা নিৰ্বাচন আৰু ২০১৯ ৰ লোকসভা নিৰ্বাচনত সমষ্টিটোত জয়লাভ কৰিছিল।
কিন্তু কেন্দ্ৰৰ বিৰুদ্ধে কৃষকৰ দীৰ্ঘদিনীয়া আন্দোলনৰ পাছত সমষ্টিটোত বিজেপি তীব্ৰ প্ৰত্যাহ্বানৰ সম্মুখীন হ’ব বুলি আশংকা কৰা হৈছে।
১০ ফেব্ৰুৱাৰীৰ পৰা সাতটা পৰ্যায়ত অনুষ্ঠিত হ’বলগীয়া উত্তৰ প্ৰদেশ বিধানসভা নিৰ্বাচনৰ প্ৰথম পৰ্যায়ত মুজাফ্ফৰনগৰত ভোটগ্ৰহণ অনুষ্ঠিত হ’ব।
