নাগালেণ্ডৰ ফেক জিলাত সুৰক্ষা বাহিনীৰ ওচৰত ৫২ গৰাকী এন এছ চি এন (কে-ওৱাই) সদস্যই আত্মসমৰ্পন কৰে।
শুকুৰবাৰে এই বিদ্ৰোহী সদস্য সকলে অস্ত্ৰ সম্বৰণ কৰি মূল সূতিলৈ উভতি অহাৰ সিদ্ধান্ত গ্ৰহণ কৰে।
‘‘শুকুৰবাৰে ষ্টাৰ্টন লামকাং আৰু তেওঁৰ ৫১ গাৰাকী সদস্যই ২৫ ডিচেম্বৰত আত্মসমৰ্পন কৰে,’’ মণিপুৰৰ সংবাদ মাধ্যমে এইদৰে উল্লেখ কৰে।
উল্লেখযোগ্য যে, কেন্দ্ৰ চৰকাৰৰ সৈতে চলি থকা শেহতীয়া নাগা শান্তি চুক্তিত একমাত্ৰ এন এছ চি এনে (কে-ওৱাই) চুক্তি স্বাক্ষৰ কৰা নায়।
এন এছ চি এনে (কে-ওৱাই) ২০১৫ চনত কেন্দ্ৰ চৰকাৰৰ সৈতে যুদ্ধবিৰতিৰ চুক্তি ভংগ কৰি পুনৰ শসস্ত্ৰ সংগ্ৰামৰ মাজলৈ উভতি আহিছিল।
২০১৫ চনত যুদ্ধবিৰতি ভংগ কৰাৰ পাছতে বিদ্ৰোহী সংগঠনটোৱে নাগালেণ্ডত ভালেসংখ্যক কাৰ্য্যকলাপ অব্যাহত ৰাখিছে।
শুকুৰবাৰে বৃহৎ সংখ্যক বিদ্ৰোহী সদস্যই নাগালেণ্ডত আত্মসমৰ্পন কৰা কথাটোৱে এন এছ চি এন(কে-ওৱাই)ৰ বাবে এক মোক্ষম আঘাত।
সুৰক্ষা বাহিনীৰ তৰফৰ পৰা পৰৱৰ্তী সময়ত আৰু অধিক বিদ্ৰোহী সদস্যই মূল সুতিলৈ উভতি আহিব বুলি উল্লেখ কৰে।