আলফাত যোগদান কৰিবলৈ গৈ নগালেণ্ডত অসম ৰাইফলৰ হাতত গ্ৰেপ্তাৰ হোৱা তিনিজন যুৱক ক্ৰমে টীয়কৰ অৰিন্দম বৰা,তিনিচুকীয়াৰ সীমান্ত নেওঁগ আৰু ওদালগুৰিৰ বিকাশ ডেকা আহি পায়হি অসম ৷
বৰ্তমান তিনিওজনকে টীয়ক আৰক্ষীৰ জিম্মাত ৰখা হৈছে।
উল্লেখযোগ্য যে নাগালেণ্ডৰ মন জিলাত অসম ৰাইফলছে যোৱা ২০ নৱেম্বৰত আটক কৰিছিল তিনিওকে।
কালি অসম ৰাইফলছে অসম আৰক্ষীক তিনিওজন যুৱককে চমজাই দিয়ে।
আৰক্ষীয়ে ইতিমধ্যে সোধা পোচা অব্যাহত ৰাখিছে।উল্লেখযোগ্য যে ইতিপূৰ্বে টীয়কৰ অৰিন্দম বৰাই সামাজিক মাধ্যমত আলফাৰ সমৰ্থনত পোষ্ট দিছিল আৰু আৰক্ষীয়ে আটক কৰিছিল।
কিন্তু আৰক্ষীৰ আগত তেনে পোষ্ট পুনৰ নিদিয়ে বুলি যুৱকজনে স্বীকাৰোক্তি দিছিল।
কিন্তু যোৱা ১৯ নৱেম্বৰত ঘৰৰ পৰা নিখোজ হোৱাত পৰিয়ালে টীয়ক আৰক্ষীক জনাইছিল আৰু তাৰ সন্দেহৰ ভিত্তিতে আৰক্ষীয়ে তিনিওকে নাগালেণ্ডত আটক কৰিবলৈ সক্ষম হৈছিল।
