ৰাজ্যৰ ভিতৰতে প্ৰথমটো 3D প্লেনেটেৰিয়াম আজি উদ্বোধন কৰিলে মুখ্যমন্ত্ৰী হিমন্ত বিশ্ব শৰ্মাই। নলবাৰীত ৮ কোটি ৫০ লাখ টকা ব্যয় সাপেক্ষে এই 3D প্লেনেটেৰিয়াম নিৰ্মাণ কৰা হৈছে।
উল্লেখ্য যে, ২০১২ চনত তদানীন্তন কংগ্ৰেছ চৰকাৰৰ কাৰ্যকালৰ সময়ত নলবাৰীত এই প্লেনেটেৰিয়ামৰ আধাৰশিলা স্থাপন কৰা হৈছিল।
ইফালে, আজি এই 3D প্লেনেটেৰিয়াম উদ্বোধনৰ পিছত আন ৬ টা প্ৰকল্পৰ ভেটি স্থাপনৰ বাবেও মুখ্যমন্ত্ৰী হিমন্ত বিশ্ব শৰ্মাই তামুলপুৰ ভ্ৰমণ কৰিব বুলি জানিব পৰা গৈছে।
প্ৰকাশিত খবৰ অনুসৰি মুখ্যমন্ত্ৰী শৰ্মাই তামুলপুৰ চিকিৎসা মহাবিদ্যালয়ৰ আধাৰশিলা স্থাপন কৰিব। তেওঁৰ লগত উপস্থিত থাকিব বিটিচিৰ চিইএম প্ৰমোদ বড়ো আৰু বাক্সাৰ অভিভাৱক মন্ত্ৰী ইউজি ব্ৰহ্ম।
উল্লেখযোগ্য যে স্বাধীনতাৰ ৭৬ বছৰৰ পাছত তামুলপুৰ জিলাৰ ভূটান সীমান্তত কুমাৰীকাটা-কৌলী সংযোগী পথত এখন দলং নিৰ্মাণ কৰাৰ প্ৰকল্প গ্ৰহণ কৰা হৈছে।