মঙল গ্ৰহত অক্সিজেন উৎপাদন কৰি চমক সৃষ্টি কৰিলে নাছাৰ বিজ্ঞানীয়ে। নাছাই মঙল গ্ৰহলৈ প্ৰেৰণ কৰা ৰ’ভাৰ পাৰ্চভাৰেন্স নামৰ যানখনে মঙলৰ বুকুত সৃষ্টি কৰিলে ইতিহাস।
ৰ’ভাৰ পাৰ্চভাৰেন্স নামৰ যানখনৰ সৈতে যোৱা ‘মক্ষি’ নামৰ যন্ত্ৰটো মঙল গ্ৰহৰ বুকুত মুঠ ১২২ গ্ৰাম অক্সিজেন উৎপন্ন কৰি সংগ্ৰহ কৰিছে।
বিজ্ঞানী সকলে জনোৱা মতে, মক্ষিয়ে উৎপাদন কৰা এই অক্সিজেনখিনিয়ে এটা কুকুৰক ১০ ঘন্টা পৰ্যন্ত উশাহ লোৱাত সহায় কৰিব।
উল্লেখ্য যে, ৰ’ভাৰ পাৰ্চভাৰেন্স নামৰ যানখনক নাছাই মঙল গ্ৰহলৈ বুলি ২০১৯ চনতে প্ৰেৰণ কৰিছিলে। দুবছৰৰ পিছত ২০২১ চনত মঙলৰ বক্ষত সফলভাবে অৱতৰণ কৰিছিল এই যানখনে।
২০২১ চনৰ পৰাই মক্ষি অৰ্থাৎ মাৰ্ছ অক্সিজেন ইন-চিটু ৰেচপন্স ইউটিলাইজেচন এক্সপেৰিমেন্ট নামৰ যন্ত্ৰটোৱে এতিয়ালৈকে মুঠ ১৬ বাৰ অক্সিজেন উৎপাদন কৰিছে।
অদূৰ ভৱিষ্যতে মঙল গ্ৰহলৈ কোনো প্ৰাণী বা মানুহ বা যান প্ৰেৰণ কৰিলে এই অক্সিজেনে সহায় কৰিব বুলি আশা কৰিছে নাছাৰ বিজ্ঞানী সকলে।
