মঙলত অৱতৰণৰ পাছতে নাছাৰ ৰোভাৰে চলাইছে অনুসন্ধান; প্ৰেৰণ কৰিছে কৌতুহল উদ্ৰেককাৰী ছবি

আমেৰিকাৰ মহাকাশ গৱেষণা সংস্থা নাছাৰ ৰোভাৰে মঙল গ্ৰহৰ পৃষ্ঠত অৱতৰণ কৰি ছবি প্ৰেৰণ কৰা কাম আৰম্ভ কৰি দিছে। মঙলৰ এটা গভীৰ গাঁতৰ ভিতৰত নামি পৰিছে ৰব’ট।

বাতৰি অনুসৰি, ছয়চকীয়া মঙলযানখন অহা দুবছৰ ধৰি গ্ৰহটোত থাকি তাত নমুনা সংগ্ৰহৰ কাম কৰিব। তদুপৰি, মঙলত প্ৰাণৰ সন্ধানো চলাব এই যানে।

নাছাৰ ৰোভাৰখনে পূৰ্বতে মঙলত অনুজীৱৰ অস্তিত্ব সম্বন্ধেও অনুসন্ধান চলাব।

বিজ্ঞানীসকলে ধাৰণা কৰা মতে, কেইবাশ কোটি বছৰ পূৰ্বে মঙলগ্ৰহত এটা বিশাল হ্ৰদ আছিল। সেই হ্ৰদত প্ৰাণীৰ অস্তিত্ব আছিল বুলিও তেওঁলোকে ধাৰণা কৰিছে।

এইবাৰৰ মঙল অভিযানৰ প্ৰধান উদ্দেশ্য হ’ল ৰঙাগ্ৰহটোত প্ৰাণৰ সন্ধান বিচাৰি উলিওৱা। সেইদৰে, ৰোভাৰে ইতিমধ্যে মঙলগ্ৰহৰ ছবি প্ৰেৰণ কৰিবলৈ আৰম্ভ কৰিছে।

ৰোভাৰে পঠিওৱা প্ৰথম দুখন ছবিত কেমেৰাৰ লেন্সত ধূলি আৱৰণৰ মাজেৰে পাৰ্ছিভেয়াৰেন্সৰ ৰোভাৰৰ সন্মুখত আৰু পাছফালৰ দিশটো দেখা গৈছে।

নাছাৰ বিজ্ঞানীসকলে জানিবলৈ দিয়া মতে, ৰোভাৰে মঙলগ্ৰহৰ ওপৰত থকা এটা ওলাই অহা দ্বীপৰ দৰে স্থানৰ এটা অংশৰ দুই কিলোমিটাৰ দক্ষিণ-পূবত অৱতৰণ কৰিছে।

বিজ্ঞানীসকলে অনুমান কৰা মতে মঙলগ্ৰহৰ শিলৰ যিকোনো ধৰণৰ অনুজীৱ সংৰক্ষণৰ ক্ষমতা আছে। সেয়েহে, মঙলত পূৰ্বে প্ৰাণৰ অস্তিত্ব থাকিলে সেয়া এই শিলৰ জৰিয়তে ইংগিত পোৱাৰ সম্ভাৱনা আছে।

মঙলত কোটি কোটি বছৰ পূৰ্বে যিটো হ্ৰদ থকা বুলি অনুমান কৰা হৈছে তাত পলসৰ দৰে ছেডিমেন্ট দেখা পোৱা গৈছে। বিজ্ঞানীসকলে মঙলৰ এই অংশটোক লৈ অতি উৎসাহী হৈ পৰিছে। ৰোভাৰৰ জৰিয়তে এই অংশটোৰ সুক্ষ্মভাৱে পৰীক্ষা কৰি চাব বিচাৰে বিজ্ঞানীসকলে।

The moment that my team dreamed of for years, now a reality. Dare mighty things. #CountdownToMars pic.twitter.com/8SgV53S9KG

— NASA's Perseverance Mars Rover (@NASAPersevere) February 19, 2021

বিজ্ঞানীসকলে জানিবলৈ দিয়া মতে মঙলগ্ৰহণ বৰ্তমান পৰিৱেশ বিৰ্তি থকাৰ অনুকূল নহয়। ইয়াৰ জলবায়ু ইমান ঠাণ্ডা যে পানী কোনোৰকমে তৰল অৱস্থাত থাকিব নোৱাৰে। গ্ৰহটোত বায়ুমণ্ডৰ স্তৰো অতি পাতল বুলি কোৱা হৈছে।

নাছাৰ মহাকাশ বিজ্ঞানীসকলে এইবাৰৰ মঙল অভিযানক লৈ বহু আশাবাদী। তেওঁলোকৰ পৰিকল্পনাই সফলতা লাভ কৰিলে মহাকাশত পৃথিৱীবাসীৰ বাবে আৰু নতুন আলোকৰ সন্ধান ঘটিব পাৰে।