শৈশৱত বাটেৰে সেনাৰ গাড়ী গ’লেই ছেল্যুট দি সেনাৰ প্ৰতি খকা ভালপোৱা উজাৰি দিয়াৰ স্মৃতি হয়তো বহুতৰে আছে।
বহুতৰে সেই স্মৃতিক পুনৰ জগাই দিছে এটি পাঁচ বছৰীয়া শিশুৱে।
নাওৱাং নামগয়াল নামৰ এই পাঁচ বছৰীয়া শিশুটিয়ে য’তে সেনাৰ জোৱান নেদেখক কিয় লগে লগে সুন্দৰ ভংগীমাৰে ছেল্যুট দি সকলোৰে দৃষ্টি আকৰ্ষণ কৰিবলৈ সক্ষম হৈছে।
Salute!
Namgyal, a local kid in Chushul, Ladakh saluting the ITBP troops passing by.
The enthusiastic kid saluting with high josh was randomly clicked by an ITBP Officer on 8 October morning. pic.twitter.com/dak8vV8qCJ
— ITBP (@ITBP_official) October 11, 2020
লাডাখৰ এখন অতি ভিতৰুৱা গাঁৱ চুচুলৰ বাসিন্দা শিশুটিৰ ছেল্যুট দিয়াৰ ধৰণে এতিয়া ইণ্টাৰনেটৰ জগত খনত বেছ খলকনি তোলা দেখা গৈছে।
শিশুটিৰ ছেল্যুট দিয়াৰ ধৰণত আপ্লুট হৈ শেহতীয়াকৈ লাডাখ সীমান্তত নিয়োজিত ইণ্ডো-তিব্বেতান ব’ৰ্ডাৰ পুলিচে শিশুটিক বিশেষ সন্মানেৰে সন্মানিত কৰিছে।
কিণ্ডাৰগাৰ্ডেনৰ ছাত্ৰ শিশুটিক আইটিবিপিয়ে বাহিনীটোৰ পোছাক উপহাৰ হিচাবে আগবঢ়োৱাৰ লগতে শিশুটিৰ ছেল্যুট মৰাৰ ভিডিঅ’ও ৰাজহুৱা কৰিছে।
অক্টোৱৰ মাহত আইটিবিপিৰ জোৱানৰ এটা দলে শিশুটিৰ গাঁও খনৰ মাজেৰে গৈছিল।
Salute!
Happy and inspiring again…
Nawang Namgyal, the 5 years old student of LKG salutes Indo-Tibetan Border Police (ITBP) jawans near a border village in Ladakh. #Himveers pic.twitter.com/aoA30ifbnU
— ITBP (@ITBP_official) November 15, 2020
আইটিবিপিৰ জোৱানৰ দলটো দেখি শিশুটি ৰৱ পৰা নাছিল।ঘৰৰ পৰা দৌৰি আহি ৰাস্তাৰ কাষত শিশুটিয়ে জোৱানৰ দলটোত এনে সুন্দৰ ভংগিমাত ছেল্যুট দিছিল যে সেয়া দেখি জোৱানৰ দলটো ৰৈ যাবলৈ বাধ্য হৈছিল।
তেতিয়াই শিশুটিৰ বিষয়ে সকলো তথ্য গোটাই লৈছিল জোৱানৰ দলটোৱে আৰু শেহতীয়াকৈ আইটিবিপিয়ে শিশুটিক সাক্ষাৎ কৰি বাহিনীটোৰ পোছাক উপহাৰ হিচাবে আগবঢ়ায়।
সামৰিক পোছাক উপহাৰ হিচাবে পাই দুগুণ উৎসাহেৰে শিশুটিয়ে ছেল্যুট দিবলৈ আৰম্ভ কৰিছে।
আইটিবিপিয়ে প্ৰচাৰ কৰা ভিডিঅ’ চাই এতিয়া সকলোৱে মৰমেৰে ওপচাই দিছে শিশুটিক।বহুতে শিশুটিক দেশৰ ভৱিষ্যত বুলিও মন্ত্বব্য কৰিছে।
