বিগত কিছুদিন ধৰি বহু বেংকৰ ফালৰ পৰা গ্ৰাহকসকলক মেচেজ পঠিওৱা হৈছে যে তেওঁলোকৰ এটিএম-ডেবিট কাৰ্ড ৩০ছেপ্টেম্বৰৰ পৰা চুইচ অফ কৰি দিয়া হ’ব।
ইয়াৰ বাবে বহুতেই হয়তো অনলাইনযোগে টকা দিয়াৰ বাবে ডেবিট কাৰ্ড ব্যৱহাৰ কৰিব পৰা নাই।
বহুতেই এনেকুৱা পৰিস্থিতিত হয়তো উৱাদিহ পোৱা নাই। দৰাচলতে ৰিজাৰ্ভ বেংকৰ পৰা পোৱা এক নিৰ্দেশনাৰ বাবে বেংকসমূহে এনে সিদ্ধান্ত ল’বলৈ বাধ্য হৈছে।
প্ৰকৃততে, ৰিজাৰ্ভ বেংকে কি কৈছে সেয়া চোৱা যাওক-
(১) ৰিজাৰ্ভ বেংকে যিসকলে কাৰ্ড ইচ্যু কৰে আৰু সকলো বেংককে নিৰ্দেশ দিছে যে যিবোৰ কাৰ্ড ডিজিটেল পেমেন্টৰ বাবে ব্যৱহাৰ কৰা হোৱা নাই সেইবোৰৰ পৰিসেৱা বন্ধ ৰাখিব লাগে।
(২) ইয়াৰ দ্বাৰা কাৰ্ড ক্ল’নিং হ্ৰাস কৰিব পৰা যাব পাৰে।
(৩) এই নতুন নিয়মত কাৰ্ড-হল্ডাৰসকলে নিজেই দৈনিক কিমান টকা খৰচ কৰিব পাৰিব, এটিএমৰ পৰা কিমান টকা উলিয়াব পাৰিব সেয়া ঠিক কৰিব পাৰিব।
(৪) কাৰ্ডত যদি কিছুমান পৰিসেৱা বন্ধ কৰিব বিচাৰে তাৰো ব্যৱস্থা আছে।
(৫) ডেবিট বা ক্ৰেডিট কাৰ্ডৰ সকলো গ্ৰাহকে ইয়াৰ আওতালৈ আহিব।
যিসকলৰ কাৰ্ড এইদৰে চুইচ অফ হৈছে তেওঁলোকে এপ বা নেট বেংকিঙৰ জৰিয়তে নিজৰ একাউন্টলৈ যাওক।
চাৰ্ভিচেছ ছেকশ্যনত গৈ এটিএম কাৰ্ড অপশ্যনটো বাচি লওক। তাত এটা নতুন উইণ্ডো খুলি আপোনাৰ পছন্দ অনুসৰি বিকল্পসমূহ নিৰ্বাচিত কৰি লব পাৰিব।
