বিশ্বব্যাপী কৰ’ণা মহামাৰী ৰোধৰ বাবে প্ৰতিখন দেশেই নাগৰিক সকলক ভেকচিন প্ৰদান কৰিছে। কৰ’ণাৰ প্ৰতিৰোধব বাবে এজন ব্যক্তিয়ে ভেকচিনৰ দুটা পালি গ্ৰহণ কৰিব লাগে।
কিন্তু এজন ব্যক্তিয়ে এই সময়তে একেদিনাই দহবাৰকৈ কৰ’ণ ভেকচিন লোৱাৰ কথা পোহৰলৈ অহাৰ পিছত চাঞ্চল্যৰ সৃষ্টি হৈছে । চিকিৎসকসকলৰ চকুত এক প্ৰকাৰৰ ধুলি দি দহবাৰ ভেকচিন লৈছে এই ব্যক্তিজনে।
প্ৰতিবাৰতে পৃথক পৃথক পৰিচয় ব্যৱহাৰ কৰি ব্যক্তিজনে ভেকচিন লৈছে। এই কথা পোহৰলৈ অহাৰ পিছত সকলোৰে প্ৰশ্ন হৈছে মানুহজনে কিয় এনে এক অদ্ভুত কাম কৰিছিল!
তেওঁ ভাবিছিল নেকি যে যদি তেওঁ দহবাৰ ভেকচিন লয়, তেতিয়া তেওঁক কৰ’ণাই স্পৰ্শ কৰিব নোৱাৰে! নে অন্য কোনো কাৰণত ব্যক্তিজনে এনেদৰে ভেকচিন গ্ৰহণ কৰিছে!
প্ৰকৃততে এই ব্যক্তি জন এজন ভাড়াতীয়া ভেকছিন প্ৰাপ্তকৰ্তা। পৃথিৱীৰ সকলো দেশতে প্ৰশাসনে নাগৰিকসকলক ভেকচিন প্ৰদান কৰিছে আৰু কেইবাখনো দেশৰ নাগৰিকে ভেকচিন লোৱাত আপত্তি দৰ্শাইছে। নিউজিলেণ্ডতো বহু লোকে ভেকচিন গ্ৰহণ কৰিবলৈ অস্বীকাৰ কৰিছে। ইয়াতেই এই আজৱ কাণ্ডটো সংঘটিত হৈছে।
দৰাচলতে সকলো দেশতে ভেকচিন গ্ৰহণ নকৰিলে কেইবাটাও ক্ষেত্ৰত প্ৰৱেশাধিকাৰ লাভ কৰাত বাধাপ্ৰাপ্ত হৈছে তথা বিভিন্ন সুবিধাৰ পৰা বঞ্চিত হ’ব লগীয়া হৈছে।
সেয়েহে ভেকচিন ল’বলৈ অস্বীকাৰ কৰা একাংশ লোকে মানুহজনক বৃহৎ পৰিমাণৰ ধনৰ বিনিময়ত এই কামত ভাড়াতীয়া হিচাপে নিয়োগ কৰা বুলি সন্দেহ কৰা হৈছে। যাতে তেওঁ লোকে তেওঁলোকৰ হাতত ভেকচিনৰ প্ৰমাণপত্ৰ পায় আৰু পৰ্যাপ্ত নাগৰিক সুবিধা লাভ কৰে।
ভাড়াতীয়া ভেকচিন প্ৰাপ্তকৰ্তা এই ব্যক্তিজনৰ কথা পোহৰলৈ অহাৰ পিছত এতিয়া সকলোৱে এই কাণ্ডত আমোদ পাইছে। সামাজিক মাধ্যমতো এই কাণ্ড হাস্যৰসৰ কাহিনী হিচাপে প্ৰচাৰিত হৈছে।