কেইবাখনো ৰে’ল বাতিল, যাত্ৰাপথত সালসলনি ||এন এফ ৰে’লৱে’
উত্তৰ-পূব সীমান্ত ৰে’লৱে’ই লামদিং সংমণ্ডলৰ অধীন এচোৱা পথত চিৰি বহি যোৱা বাবে কেইবাখনো ৰে’ল বাতিল কৰিছে।
বহুকেইখন ৰে’লৰ সময়সূচী সালসলনি কৰা হৈছে।
হাৱাইপুৰ আৰু লামচাখাং অংশৰ মাজত ৰে’লপথ বহি গৈছে, এন এফ ৰে’লৱে’ই শুকুৰবাৰে সন্ধিয়া টুইটাৰযোগে এই কথা সদৰী কৰিছে।
শনিবাৰে যাত্ৰাৰম্ভ কৰিব লগা 15717/15718নং গুৱাহাটী-মৰিয়নি-গুৱাহাটী ইণ্টাৰচিটি এক্সপ্ৰেছ বাতিল কৰা হৈছে।
Due to sinkage of track some trains will be cancelled and short terminated. pic.twitter.com/Or9DLFHIyj
— N. F. Railway (@RailNf) September 27, 2019
শনিবাৰে চলিব লগা আন এখন ৰে’ল ৰঙিয়া-নিউ তিনিচুকীয়া এক্সপ্ৰেছ (নং 15927/15929) বাতিল কৰা হৈছে।
বাতিল হৈছে শুকুৰবাৰে যাত্ৰাৰম্ভ কৰিব লগা 15603/15605নং গুৱাহাটী-লিডু ইণ্টাৰচিটি এক্সপ্ৰেছ। একেদৰে শুকুৰবাৰেই লিডু এৰিব লগা 15604/15606নং লিডু-গুৱাহাটী ইণ্টাৰচিটি এক্সপ্ৰেছ বাতিল কৰা হৈছে।
শনিবাৰে চলিব লগা 15769/15770নং আলিপুৰদুৱাৰ-লামদিং ইণ্টাৰচিটি এক্সপ্ৰেছ চাপৰমুখ জংচনলৈকেহে চলিব। চাপৰমুখ-লামদিঙৰ মাজত ৰে’লখন সাময়িক আৰু আংশিকভাৱে বন্ধ থাকিব।
শনিবাৰে চলিব লগা 55601/55602নং গুৱাহাটী-লামদিং-গুৱাহাটী পেছেঞ্জাৰ ৰে’ল হোজাইলৈকে চলিব। হোজাই আৰু লামদিঙৰ মাজত ৰে’লখন বাতিল কৰা হৈছে।