প্ৰধানমন্ত্ৰী নৰেন্দ্ৰ মোদীৰ গৃহৰাজ্য গুজৰাটত ৰাজ্য চৰকাৰৰ ‘নল ছে জল যোজনা’ৰ অধীনত ১০০% পৰিয়ালক পানী যোগান ধৰাৰ বৃহৎ দাবী ফুটুকাৰ ফেন হৈ পৰিছে, কিয়নো ২,২৯৬ টাতকৈও অধিক অংগনবাড়ী কেন্দ্ৰই লাভ কৰা নাই বিশুদ্ধ খোৱাপানী।
মহিলা আৰু শিশু কল্যাণ বিভাগৰ এক প্ৰতিবেদন অনুসৰি ১৫৬৪ টা অংগনবাড়ী কেন্দ্ৰত নাই কোনো শৌচাগাৰ।
গুজৰাটত ৫৩,০২৯ টাতকৈও অধিক অংগনবাড়ী কেন্দ্ৰ আছে। কিন্তু ইয়াৰে ২২৯৬ টাতে বিশুদ্ধ খোৱাপানীৰ সুবিধা নাই।
লগতে পঢ়ক: চীনক চিনাই টান! নিউয়ৰ্কতো চীনৰ গোপন আৰক্ষী থানা; দুজন এজেণ্টক গ্ৰেপ্তাৰ
লোকসভাত মহিলা আৰু শিশু উন্নয়ন মন্ত্ৰালয়ে দিয়া তথ্য অনুসৰি গুজৰাটত ৫০,০২৯টা অংগনবাদী কেন্দ্ৰ আছে, ইয়াৰে ৪৬,১০৪টাৰ ‘পকী’ আন্ত:গাঁথনি আছে। গতিকে প্ৰায় ৩,৯২৫টা অংগনবাড়ীয়ে ‘কেঁচা’ আন্ত:গাঁথনিৰে কাম চলাই আছে।
তদুপৰি, চৰকাৰী সুবিধাৰে ৪৩,১৬১টা অংগনবাড়ী, সমবায় ভিত্তিত ২,৯৪৩টা, ভাড়াঘৰত ৬,৯২৩টা অংগনবাড়ী পৰিচালিত হয়।
২০১৫ চনত মহিলা আৰু শিশু উন্নয়ন মন্ত্ৰালয় আৰু বেদান্তৰ মাজত স্বাক্ষৰিত বুজাবুজি চুক্তি অনুসৰি সমগ্ৰ দেশৰ অংগনবাড়ী কেন্দ্ৰসমূহক আধুনিকীকৰণৰ প্ৰক্ৰিয়া আৰম্ভ কৰিছে চৰকাৰে; কিন্তু চলিত বৰ্ষৰ ফেব্ৰুৱাৰীত দিয়া মন্ত্ৰালয়ৰ তথ্যৰ হিচাপত গুজৰাটত অংগনবাড়ী কেন্দ্ৰসমূহৰ কোনো এটাকে উন্নীত কৰা হোৱা নাই।
লগতে পঢ়ক: বিয়াৰ পূৰ্বেই গৰ্ভৱতী! মোহময়ী অভিনেত্ৰী ইলিয়ানাৰ ‘সাহসী’ ঘোষণা; পিতৃ কোন?
চৰকাৰে এজন অংগনবাড়ী কৰ্চাৰীক প্ৰতিমাহে ৫৫০০ টকা আৰু এজন অংগনবাড়ী সহায়কক ৩২৫০ টকাকৈ দিয়াৰ বিপৰীতে কৰ্মচাৰী সংগঠনসমূহে যুক্তি আগবঢ়ায় যে এই ধনৰ অধিকাংশই অংগনবাড়ী কৰ্মচাৰীৰ পৰিবহণত খৰচ হয়।
