পেন কাৰ্ডৰ পাছত এইবাৰ ভোটাৰ আই ডি কাৰ্ডক আধাৰ কাৰ্ডৰ সৈতে লিংক কৰাব লাগিব আপুনি।
সূত্ৰ মতে, দেশৰ আইন মন্ত্ৰীয়ে নিৰ্বাচন আয়োগৰ এই পৰামৰ্শ গ্ৰহণ কৰিছে।
কিন্তু আইন মন্ত্ৰীয়ে আধাৰৰ সৈতে ভোটাৰ আই ডি লিংক কৰাৰ প্ৰক্ৰিয়াটো আগবঢ়াই নিয়াৰ পূৰ্বে প্ৰয়োজনীয় ব্যৱস্থা সমূহ নিয়াৰিকৈ ঠিক কৰি লোৱাত গুৰুত্ব আৰোপ কৰিছে।
কেন্দ্ৰীয় আইন মন্ত্ৰীয়ে কিছু চৰ্ত সাপেক্ষেহে আধাৰ কাৰ্ডৰ সৈতে ভোটাৰ আই ডি লিংক কৰাৰ কথা মানি লৈছে।
আইন মন্ত্ৰীৰ পৰা সেউজ সংকেত লাভ কৰাৰ পাছতে নিৰ্বাচন আয়োগে আধাৰ কাৰ্ডক ভোটাৰ আই ডিৰ সৈতে লিংক কৰাৰ আইনী অধিকাৰ লাভ কৰে।
উল্লেখযোগ্য যে, ২০১৫ চনৰ ফেব্ৰুৱাৰি মাহতো নিৰ্বাচন আয়োগে আধাৰ কাৰ্ডক ভোটাৰ আই ডিৰ সৈতে লিংক কৰাৰ বাবে কাৰ্য্যপ্ৰণালী হাতত লৈছিল। সেই সময়ত এইচ এছ ব্ৰহ্ম মুখ্য নিৰ্বাচন আয়ুক্ত হিচাপে আছিল।
কিন্তু সেই সময়ত উচ্চতম ন্যায়ালয়ৰ বাধাৰ বাবে নিৰ্বাচন আয়োগে আধাৰক ভোটাৰ আই ডিৰ সৈতে লিংক কৰা প্ৰক্ৰিয়া বন্ধ কৰিবলগীয়া হৈছিল।
নিৰ্বাচন আয়োগে ইতিমধ্যে ৩৮ কোটি ভোটাৰ কাৰ্ডক আধাৰ কাৰ্ডৰ সৈতে লিংক কৰিছে।
