মণিপুৰত সুৰক্ষিত বিজেপিৰ চৰকাৰ
এন পি পিৰ সমৰ্থনেৰে মণিপুৰত সুৰক্ষিত হৈছে এন বীৰেন সিং নেতৃত্বাধীন বিজেপি চৰকাৰ।
কেন্দ্ৰীয় গৃহ মন্ত্ৰী অমিত শ্বাহ, বিজেপিৰ ৰাষ্ট্ৰীয় সভাপতি জে পি নাড্ডাৰ সৈতে নেডাৰ আহ্বায়ক হিমন্ত বিশ্ব শৰ্মাৰ উপস্থিতিত মেঘালয়ৰ মুখ্য মন্ত্ৰী কনৰাড চাংমাৰ নেতৃত্বত যোৱা এন পি পিৰ প্ৰতিনিধি দলৰ বৈঠকৰ পিছতে এই কথা নিশ্চিত হৈছে।
কংগ্ৰেছে চাৰিজন এন পি পি বিধায়ককে ধৰি একাংশ বিধায়কৰ সমৰ্থন পোৱাৰ দাবী কৰি মণিপুৰত চৰকাৰ গঠনৰ দাবী উত্থাপন কৰিছিল।
প্ৰতিনিধি দলটোৰ বৈঠকৰ পিছতে অসমৰ মন্ত্ৰী তথা নেডাৰ আহ্বায়ক হিমন্ত বিশ্ব শৰ্মাই টুইটযোগে কয়, “…বিজেপি আৰু এন পি পিয়ে মণিপুৰৰ বিকাশৰ বাবে একেলগে কাম কৰি যাব।”
A NPP delegation led by @SangmaConrad and Dy Chief Minister of Manipur Sri Y Joy Kumar Singh met Honble Home minister Sri @AmitShah ji today in New Delhi. Both @BJP4India and NPP will continue to work together for the development of Manipur
— Himanta Biswa Sarma (@himantabiswa) June 24, 2020
বৈঠক সন্দৰ্ভত মেঘালয়ৰ মুখ্য মন্ত্ৰী তথা এন পি পি নেতা কনৰাড চাংমাই কয়, “অমিত শ্বাহ আৰু হিমন্ত বিশ্ব শৰ্মা আৰু এন পি পিৰ প্ৰতিনিধি দলৰ মাজত এক ধনাত্মক বৈঠক অনুষ্ঠিত হয় আৰু মণিপুৰৰ জনসাধাৰণৰ স্বাৰ্থত আমি একেলগে কাম কৰি যোৱাৰ সিদ্ধান্ত লৈছো।”
A positive meeting took place between @JPNadda ji and @himantabiswa ji and the NPP delegation and we have decided to continue to work together in the interest of people of Manipur pic.twitter.com/GG9ZaPuVtb
— Conrad Sangma (@SangmaConrad) June 24, 2020
এন পি পিৰ সমৰ্থনৰ সৈতে বৰ্তমান বিজেপিৰ ১৮গৰাকী নিজা বিধায়ক, চাৰিগৰাকী এন পি পি বিধায়ক, চাৰিগৰাকী এন পি এফ বিধায়ক আৰু এজন এল জে পিৰ বিধায়ক আছে।
৫২জনীয়া মণিপুৰ বিধান সভাত বিজেপিৰ বৰ্তমান ২৭গৰাকী বিধায়কৰ সমৰ্থন আছে।