আজি ৰাইজৰ দলৰ নীতি আদৰ্শৰ প্ৰতি আকৰ্ষিত হৈ এন পি পি দলৰ সদ্য প্ৰাক্তন ৰাজ্যিক উপ সভাপতি তথা ৰাজ্যিক তত্বাৱধায়ক বিশ্বজিৎ বৰুৱাই ৰাইজৰ দলত যোগদান কৰে।
ৰাইজৰ দলৰ মঠঘৰীয়াস্থিত কেন্দ্ৰীয় কাৰ্যালয়ত আজি আনুষ্ঠানিক ভাৱে যোগদান কৰি বৰুৱাই কয় যে সুস্থ জাতীয়তাবাদ অবিহনে জাতি কেতিয়াও সুৰক্ষিত নহয় আৰু জাতি সুৰক্ষিত নহ’লে ৰাষ্ট্ৰ সুৰক্ষিত নহয়। তেওঁ উল্লেখ কৰে যে ৰাইজৰ দলৰ জৰিয়তে সুস্থ জাতীয়তাবাদৰ আৰম্ভণি দেখি আৰু দলৰ নেতা অখিল গগৈ দেৱৰ ওপৰত সম্পূৰ্ণ আস্থা প্ৰকাশ কৰি তেওঁ আজি ৰাইজৰ দলত যোগদান কৰে।
উল্লেখযোগ্য বিশ্বজিৎ বৰুৱা অসম বিজেপিৰ প্ৰতিষ্ঠা কালৰে পৰা জড়িত এজন সদস্য হোৱাৰ লগতে যোৰহাট জিলাৰ টীয়ক সমষ্টি সমিতিৰ কোষাধ্যক্ষ, যোৰহাট জিলা বিজেপিৰ কিষাণ মৰ্চাৰ সভাপতি, ৰাজ্যিক বিজেপিৰ কাউঞ্চিল সদস্য আদি পদত কাৰ্যনিৰ্বাহ কৰিছিল।
আজি ৰাইজৰ দলৰ মুখ্য কাৰ্যালয়ত তেখেতে ৰাইজৰ দলৰ কাৰ্যকৰী সভাপতি ভাস্ক’ ডি শইকীয়া, কবীন্দ্ৰ চেতিয়া ফুকন, সাধাৰণ সম্পাদক অলক নাথ, চিন্ময় বড়া, সহকাৰী সম্পাদক প্ৰদীপ বৰুৱা, তথ্য আৰু প্ৰচাৰ সম্পাদক দেবাংগ সৌৰভ গগৈ, অতিৰিক্ত তথ্য আৰু প্ৰচাৰ সম্পাদক প্ৰণৱ ডেকা , ৰাজ্যিক কাৰ্য্যনিৰ্বাহক সদস্য সোণেশ্বৰ পাটোৱাৰী, যোৰহাট জিলা সমিতিৰ সভাপতি প্ৰদীপ সৰকাৰ, উপ সভাপতি অমৃত চেতিয়া, সদস্য ধ্ৰুৱজ্যোতি চেতিয়া আৰু জাতীয় যুৱ বাহিনীৰ তথ্য আৰু প্ৰচাৰ সম্পাদক অংকুমান বৰদলৈৰ উপস্থিতিত যোগদান কৰে।
