কলকাতাৰ আৰ জি কৰ হাস্পতালৰ ঘটনাক লৈ সমগ্ৰ দেশতে প্ৰতিবাদৰ সৃষ্টি হৈছে। কিন্তু তাৰপিছতো স্বাস্থ্যকৰ্মীৰ ওপৰত আক্ৰমণ কমি অহা নাই। এইবাৰ বিহাৰৰ এখন চিকিৎসালয়ত সংঘটিত হৈছে এক ভয়ংকৰ ঘটনা। এগৰাকী নাৰ্ছক দলবদ্ধ ধৰ্ষণৰ চেষ্টা চলোৱা হয়। অৱশ্যে সাহসেৰে প্ৰত্যাক্ৰমণ কৰি নাৰ্ছগৰাকীয়ে কোনোৰকমে প্ৰাণ বচালে। অভিযুক্তক গ্ৰেপ্তাৰ কৰিছে আৰক্ষীয়ে।
নাৰ্ছগৰাকীয়ে আক্ৰমণকাৰীৰ যৌনাংগ ব্লেডেৰে কাটি পেলায়! বিহাৰৰ গংগাপুৰৰ আৰ বি এছ হেল্থকেয়াৰ চেণ্টাৰত সংঘটিত হৈছে এই ঘটনা।
চিকিৎসালয়খনৰ এগৰাকী চিকিৎসকে সংগীৰ সৈতে নাৰ্ছগৰাকীক দলবদ্ধ ধৰ্ষণ কৰিবলৈ চেষ্টা কৰিছিল! অৱশ্যে অভিযুক্ত চিকিৎসকৰ যৌনাংগত ব্লেডেৰে আঘাত কৰি পলায়ন কৰে। কেইঘণ্টামান লুকাই থাকি পুলিচক ফোন কৰে। পিছত আৰক্ষী আহি অভিযুক্তক গ্ৰেপ্তাৰ কৰে। তেওঁলোক হৈছে চিকিৎসালয়খনৰ অন্যতম প্ৰশাসক ডাঃ সঞ্জয় কুমাৰ আৰু তেওঁৰ দুই সংগী সুনীল কুমাৰ গুপ্তা আৰু অৱধেশ কুমাৰ।
লগতে পঢ়কঃ চীনৰ য়ুহানৰ সেই ‘কুখ্যাত’ লেবৰেটৰীতে প্ৰস্তুত হৈছে কৰ’নাৰ ‘মহৌষধ’ নেনোভেকচিন!
যোৱা বুধবাৰে নিশা সস্তিপুৰ জিলাৰ মুছৰিঘৰাৰাৰী থানা এলেকাত সংঘটিত হয় এই ঘটনা। নাৰ্ছগৰাকীয়ে আৰক্ষীক জনোৱা মতে, তেওঁ নৈশ কৰ্তব্য শেষ কৰি ঘৰলৈ উভতি যাবলৈ সাজু হৈছিল। সেই সময়ত তিনিজন লোকে তেওঁক আক্ৰমণ কৰিছিল। ধৰ্ষণৰ চেষ্টা কৰা হৈছিল। যিহেতু সেই সময়ত তেওঁৰ হাতত ব্লেড আছিল, সেয়েহে তেওঁ সেইখনেৰে আক্ৰমণকাৰীসকলক প্ৰত্যাক্ৰমণ কৰিছিল।
এই ঘটনাত চিকিৎসকৰ যৌনাংগ কটা যায়। যেতিয়া ৰক্তাক্ত পৰিস্থিতিৰ সৃষ্টি হোৱাত বাকী কোনোৱেই আগবাঢ়ি যাবলৈ সাহস কৰা নাছিল। সুযোগ লৈ ভুক্তভোগীগৰাকীয়ে পলায়ন কৰে।
নাৰ্ছগৰাকীয়ে লগতে আৰক্ষীক জনোৱা মতে, আটাইকেইজন অভিযুক্তই মদ্যপান কৰিছিল। তেওঁ হস্পিতালৰ পৰা ওলাই আহি পথাৰ এখনৰ জোপোহাত লুকাই থাকিল। তাৰ পৰাই তেওঁ পুলিচক ফোন কৰিলে। অলপ সময়ৰ ভিতৰতে আৰক্ষীয়ে সেই স্থানত উপস্থিত হৈ প্ৰথমে তেওঁৰ নিৰাপত্তা সুনিশ্চিত কৰাৰ লগতে পিছত তিনিওজনক চিকিৎসালয়ৰ পৰা গ্ৰেপ্তাৰ কৰে।
লগতে পঢ়কঃমায়াজাল! পত্নীকো লাগে, প্ৰেমিকাকো এৰিব নিবিচাৰে; ৪ বছৰৰ লীলা-খেলাৰ অন্তত সোমাল জেলত
ঘটনাস্থলীৰ পৰা আৰক্ষীয়ে উদ্ধাৰ কৰে সুৰাৰ বটল, নাৰ্ছে ব্যৱহাৰ কৰা ব্লেড, তেজৰ দাগ লগা কাপোৰ আৰু তিনিটা মোবাইল ফোন। ধৰ্ষণৰ চেষ্টাৰ উপৰিও অভিযুক্তৰ বিৰুদ্ধে অবৈধভাৱে সুৰা সেৱনৰ অভিযোগো দাখিল কৰা হৈছে। কিয়নো বিহাৰত মদ নিষিদ্ধ।
