অসুস্থ হৈ থকা জুবিন গাৰ্গক একমাত্ৰ নিজৰ ব্যৱসায়িক স্বাৰ্থতেই লৈ যোৱা হৈছিল ছিংগাপুৰলৈ। এই কথা পুনৰ প্ৰতিপন্ন হ’ল জুবিন গাৰ্গৰ ঘনিষ্ঠ বন্ধু তথা বাদ্যযন্ত্ৰী ৰাজা বৰুৱাৰ বক্তব্যত।
সৰুসজাইত জুবিন গাৰ্গক শেষ শ্ৰদ্ধা জ্ঞাপন কৰিবলৈ আহি ৰাজা বৰুৱাই কয় যে জুবিন এক মহান আত্মা, জুবিন এক পুণ্য আত্মা। এক পুণ্য আত্মা আমাৰ মাজৰ পৰা কায়িকভাৱেহে গৈছো দৈহিক ভাৱে নাথাকিলেও অসম থকালৈকে, মাটি থকালৈকে, বায়ু থকালৈকে জুবিন আমাৰ মাজত জীয়াই থাকিবা আশা কৰিছো তেওঁৰ আত্মা সুখত থাকক, যতেই আছে তেওঁ ভালকৈ থাকক।
লগতে তেওঁ কয়, “আমি জুবিনক কেতিয়া আকৌ পাম নাজানো। অসমৰ ৰাইজে যাতে তেওঁৰ আধৰুৱা কামসমূহ আগুৱাই নিয়ে। মই জুবিনক ১৬ তাৰিখে লগ পাইছিলো। তেতিয়াও তেওঁ সুস্থ নাছিল, অসুস্থই আছিল। মই কেৱল জুবিনৰ সাংগীতিক ক্ষেত্ৰৰ সৈতেহে জড়িত আছিলো। বাকী একো নাজানো।”
ৰাজা বৰুৱাৰ এই কথাৰ পৰা এটা কথা আকৌ এবাৰ স্পষ্ট হ’ল যে জুবিনি গাৰ্গৰ স্বাস্থ্যৰ দিশটোক বাৰে বাৰে অৱহেলা কৰা হৈছিল। কেৱল মাত্ৰ ব্যৱসায়িক স্বাৰ্থতেই জুবিন গাৰ্গক ছিংগাপুৰলৈ লৈ গৈছিল নৰ্থ-ইষ্ট ফেষ্টিভেলৰ আয়োজক সকলে।
