তেজপুৰত নিজৰ ইনছাচ ৰাইফলেৰে গুলীয়াই আত্মহত্যা চি আৰ পি এফ জোৱানৰ
আজি তেজপুৰত চি আৰ পি এফৰ ৩০ নং বেটেলিয়নৰ এজন জোৱানে তেওঁৰ ইনছাচ ৰাইফলটোৰে গুলীয়াই আত্মহত্যা কৰা ঘটনাই অঞ্চলটোত উত্তেজনাৰ সৃষ্টি কৰিছে।
জানিব পৰামতে, তেজপুৰ চহৰৰ মাজমজিয়াতে থকা জয়মতী পথাৰস্থিত কেম্পত থকা অৱস্থাতেই জোৱানজনে আত্মহত্যা কৰে। জোৱানজনৰ নাম দিগম্বৰ মাধৱ আৰু তেওঁৰ বয়স ৪০ বছৰ। তেওঁৰ ঘৰ মুম্বাইত।
আৰক্ষীয়ে ঘটনাৰ তদন্ত অব্যাহত ৰাখিছে যদিও আত্মহত্যাৰ কাণৰ এতিয়ালৈকে জানিব পৰা হোৱা নাই।
আনহাতে জোৱানজনৰ মৃতদেহ মৰণোত্তৰ পৰীক্ষাৰ বাবে প্ৰথমে তেজপুৰ চহৰস্থিত কনকলতা অসামৰিক চিকিৎসালয়লৈ প্ৰেৰণ কৰা হৈছিল যদিও পিছত গুৱাহাটীলৈ প্ৰেৰণ কৰা হয়।
ঘটনাটো সংঘটিত হোৱাৰ খবৰ পাই চি আৰ পি এফৰ ডি আই জিয়ে কেম্পটো পৰিদৰ্শন কৰা বুলি জানিব পৰা গৈছে?