অৰুণাচল প্ৰদেশৰ নামচাই জিলাত এজনক গুলীয়াই হত্যা কৰাৰ বাতৰি পোৱা গৈছে।
নিশা গুলিয়াই হত্যা কৰিলে সীমান্তৰ টেঙাপানী নতুন গাঁৱৰ এজনক। লোকজনৰ নাম প্ৰশান্ত বৰা।
নিশা শোৱাপাতিৰ পৰা তুলি আনি গুলিয়াই হত্যা কৰে আৰু মৃতদেহ দুৱাৰ মুখত পেলাই থৈ যায় ।
ঘটনাস্থলীৰ পৰা উদ্ধাৰ কৰা হৈছে ৭টাকৈ একে চিৰিজৰ খালি কাটিজ।
অন্যহাতে এক সূত্ৰই জানিবলৈ দিয়া অনুসৰি অসম আৰক্ষীৰ এটা দলে বিভিন্ন অপৰাধৰ লগত জড়িত তথা পলাতক দাগী অপৰাধী হিচাপে থকা অসম অৰুণাচল সীমান্তৰ মহং নামৰ ঠাই খনলৈ প্ৰশান্ত বৰাক আটক কৰিবলৈ গৈছিল।
কিন্তু আৰাক্ষীৰ দলটোক প্ৰশান্তই আক্ৰমণ কৰাত আৰক্ষীৰ দলে গুলীয়াই হত্যা কৰাৰ লগতে মৃত ব্যক্তিজনৰ পুত্ৰক অসম আৰক্ষীয়ে লগত লৈ আহি অৰুণাচলৰ নামচাই আৰক্ষী থানাত চমজাই দিয়ে বুলি সূত্ৰত প্ৰকাশ।
কিছুদিন ধৰি প্ৰসান্তই অৰুণাচলৰ নামচাই আত্মগোপন কৰি আছিল। অন্যহাতে প্ৰশান্তৰ মৃত্যুৰ পাছতেই পৰিয়ালৰ লোকে আৰক্ষীয়ে পৰিকিল্পত ভাৱে হত্যা কৰিছে বুলি অভিযোগ কৰিছে।
সমগ্ৰ ঘটনাই অঞ্চলটোত চাঞ্চল্যৰ সৃষ্টি কৰিছে যদিও বাতৰি প্ৰেৰণ কৰা সময়লৈকে এইয়া অৰুণাচল আৰক্ষীয়ে নে অসম আৰক্ষীয়ে এই ঘটনা সংঘটিত কৰিলে সেইয়া আৰক্ষীৰ তৰফৰ পৰা স্পষ্ট কৰা নাই।
