মাৰ্ঘেৰিটা মহকুমাৰ জাগুনত এতিয়া সুলভ হৈ পৰিছে নিষিদ্ধ ড্ৰাগছৰ ৰমৰমীয়া বেহা। জাগুনৰ লাকলা, কাৰপুংপুলি আদি অঞ্চলত এতিয়া সুলভ হৈ পৰিছে ড্ৰাগছ।
ইতিমধ্যেই ড্ৰাগছৰ বিৰুদ্ধে অভিযান তীব্রতৰ কৰি তুলিছে লেখাপানী আৰু জাগুন আৰক্ষীয়ে।
লেখাপানী আৰক্ষী আৰু জাগুনৰ আৰক্ষীৰ এটা দলে শনিবাৰে ড্ৰাগছৰ ৰমৰমীয়া ব্যৱসায় চলোৱা বুলি অভিযোগ থকা জেমচ মুৰাৰ ঘৰত অভিযান চলাই বুজন পৰিমাণৰ ড্ৰাগছ জব্দ কৰিবলৈ সক্ষম হয়।
আৰক্ষীৰ দলটোৱে লগতে ড্ৰাগছ জোখা যন্ত্ৰ, খোৱা সামগ্ৰী আদিও বাসগৃহত অভিযান চলোৱাৰ সময়ত জব্দ কৰে।
আৰক্ষীয়ে জেমচ মুৰা নামৰ কুখ্যাত ড্ৰাগছ ব্যৱসায়ীটোক গ্ৰেপ্তাৰ কৰে।
নিতৌ চলি থকা আৰক্ষীৰ অভিযানত এতিয়া জাগুনত ইটোৰ পাছত সিটো ড্ৰাগছ কানিৰ ব্যৱসায়ী ধৰা পৰিছে।