৮ঘণ্টাতকৈ কিছু অধিক সময়ত প্ৰায় ৭৫ কিঃমিঃ দূৰত্ব অতিক্ৰম কৰি ২৫জনীয়া সমগ্ৰ ভাৰত চাইক্লথন দলটো কোহিমাৰ পৰা আহি ডিমাপুৰত উপস্থিত হৈছেহি। স্থানীয় জনসাধাৰণৰ মাজত স্বাস্থ্যসন্মত খাদ্যাভ্যাস সম্পৰ্কে সজাগতা সৃষ্টিৰ উদ্দেশ্যে এই দলটোৱে সমগ্ৰ ভাৰত জুৰি চাইকেল যাত্ৰা আৰম্ভ কৰিছে।
ভাৰতীয় খাদ্য সুৰক্ষা আৰু মানক প্ৰাধিকৰণ ৰ (Food Safety and Standards Authority of India) দুগৰাকী বিষয়া আৰু ৰাজ্যিক স্বাস্থ্য আৰু পৰিয়াল কল্যাণ বিভাগৰ বিষয়াসহ চাইক্লিষ্টৰ দলটোক নাগালেণ্ডৰ স্বাস্থ্য আৰু পৰিয়াল কল্যাণ মন্ত্ৰী এছ পাংন্যিউ ফোমে কোহিমাৰ যুদ্ধ স্মাৰক স্থানত যাত্ৰাৰ ফ্লেগ অফ কৰে। আজি ৰাজ্য চৰকাৰৰ দ্বাৰা পৰিচালিত হোটেল ছাৰামতিত দলটোক ডিমাপুৰ খাদ্য সুৰক্ষা বিষয়া ছেমুৱেল জেহোলে অভ্যৰ্থনা জনায়।
‘ইট ৰাইট ইণ্ডিয়া’ আন্দোলনৰ উত্তৰ পূব শাখাৰ জন সম্পৰ্কৰক্ষী কাৰ্যসূচী ‘স্বচ্ছ ভাৰত যাত্ৰা’ৰ অন্তৰ্গত চাইক্লথন দলটো দেওবাৰে আহি ত্ৰিপুৰা, মিজোৰাম আৰু মণিপুৰৰ পৰা আহি নাগালেণ্ডত পদাৰ্পণ কৰে।
কোহিমাৰ চাইক্লিষ্টৰ দলটোক নেতৃত্ব দিয়া শ্বিকাতো আয়ে ৰীলে বেটন ডিমাপুৰৰ চাইক্লিষ্ট দসৰ নেতা আছেনলা ইমছঙৰ হাতত তুলি দিয়ে। ডিমাপুৰৰ দলটোত ২৫গৰাকী এনচিচি কেডেট আছে। দলটোৱে বৃহস্পতিবাৰে পুৱা কাৰ্বি আংলঙৰ ৰাজধানী ডিফুলা বুলি ৰাওনা হ’ব।
ডিমাপুৰত বুধবাৰে ইট ৰাইট ইণ্ডিয়া থিমেৰে ‘স্বচ্ছ ভাৰত মেলা’ এখনৰ আয়োজন কৰা হ’ব। খাদ্য নিৰাপত্তা সজাগতাৰ প্ৰসাৰ কৰাৰ বাবে আৰু খাদ্য ভেজালকৰণ ৰোধ কৰা আৰু স্বাস্থ্যসন্মত খাদ্য গ্ৰহণৰ সন্দৰ্বত সজাগতা সৃষ্টিৰ বাবে এই মেলাখনৰ আয়োজন কৰা হৈছে।
