বৰ্তমান তেওঁ অ’টিটিৰ সম্ৰাট। তেওঁৰ চিৰিজ ইখনৰ পিছত সিখন হিট। কেৱল হিট ছিৰিজেই নহয়, তেওঁ চিনেমাতো কাম কৰি আছে একাধাৰে। হয়, পংকজ ত্ৰিপাঠীৰ কথাই কৈছোঁ। শেহতীয়াকৈ তেওঁক দেখা গৈছিল ‘OMG’ 2 ত। এই পংকজে নিজৰ বিষয়ে কিছু অজান তথ্য ফাদিল কৰিছে।
বিহাৰৰ বেলাসন্দৰ সন্তানে এতিয়া মুম্বাইত শাসন চলালেও জানেনে যে তেওঁৰ পিতৃ-মাতৃ পংকজৰ অভিনয়ক লৈ একেবাৰেই উৎসাহী নহয়।
“মোৰ এই কৃতিত্বত দেউতা বৰ সুখী নহয়”- পংকজে স্পষ্টভাৱে কয়। আনকি তেওঁ কয় যে এতিয়ালৈকে তেওঁৰ দেউতাক কেতিয়াও কোনো চিনেমা হললৈ যোৱা নাই। পংকজে নতুন ঘৰ এটা কিনিলে। গৃহপ্ৰৱেশৰ সময়ত দেউতাকক সেই ঘৰলৈ লৈ আহিছিল। কিন্তু অভিনেতাজনে কয় যে ধুনীয়া ঘৰটো দেখাৰ পিছতো পিতৃৰ বিশেষ প্ৰতিক্ৰিয়া হোৱা নাছিল।
লগতে পঢ়ক: কেতিয়াও কল্পনাও কৰা নাছিল এনে চৰিত্ৰ; ‘এনিমেল’ ছবিখনক লৈ অধীৰ অপেক্ষাত ৰশ্মিকা
পংকজে লগতে কয়, “মোৰ এই কৃতিত্বত দেউতা বৰ বেছি সুখী নহয়। দেউতাই এতিয়াও নাজানে মই চিনেমাত ঠিক কি কৰো। চিনেমা হল এটা ভিতৰৰ পৰা কেনেকুৱা হয় দেউতাৰ এতিয়াও কোনো ধাৰণা নাই। কেতিয়াবা টিভি বা কম্পিউটাৰত মোৰ কামবোৰ চায়। সেয়াও আন কোনোবাই দেখুৱালেহে চায়।”
আৰু মাতৃ? পিতৃৰ দৰে মাতৃও পুত্ৰৰ কামত গৌৰৱান্বিত নহয় নেকি? পংকজৰ উত্তৰ, “মোৰ মায়ে মোক টিভিত চায়, আৰু লগে লগে ফোন কৰি কয় ‘তুমি ইমান ক্ষীণাই গৈছা। ভালদৰে খোৱা-বোৱা কৰা নাই। মোৰ অভিনয়ক লৈ তেওঁৰ কোনো কথা নাই।”
অৱশ্যে এনে নহয় যে পংকজে নিজেও বিলাসী জীৱন কটায়। বিগত ২০ বছৰ ধৰি একেটা ফোনকে ব্যৱহাৰ কৰি আহিছে। সেই ফোনত হোৱাটছএপৰ দৰে ফিচাৰ নাই। অৱশ্যে তেওঁৰ কোনো আক্ষেপো নাই। এই প্ৰসংগত কোনোবাই সুধিলে পংকজে স্পষ্ট কৰি দিয়ে, “নাই, মই হোৱাটছএপ ব্যৱহাৰ নকৰো।”
লগতে পঢ়ক: অক্ষয় কুমাৰক চৰ মাৰিলে ১০ লাখ টকাৰ পুৰস্কাৰ! হিন্দুত্ববাদী সংগঠনৰ ৰোষত অভিনেতা
উল্লেখ্য যে পংকজ ত্ৰিপাঠীৰ নতুন ছবিত অক্ষয় কুমাৰো আছে। প্ৰথম দিনৰ বক্স অফিচত ছবিখনে ১০ কোটিৰো অধিক টকা উপাৰ্জন কৰে।
