বলিউদৰ অভিনেতা চুনু চুড। যোৱা লকডাউনৰ সময়ত দৰিদ্ৰজনৰ ত্ৰাণকৰ্তাৰূপে আবিৰ্ভাৱ ঘটিছিল তেওঁৰ।
লকডাউনত আৱদ্ধ হাজাৰ হাজাৰ প্ৰব্ৰজিত শ্ৰমিকক নিজা খৰচেৰে ঘৰলৈ পঠোৱাৰ পিছৰে পৰা চুনু চুডৰ মানৱতা কেৱল দেশতে নহয়, বিশ্বতো চৰ্চা লাভ কৰিছে।
কেৱল ইমানেই নহয়, লকডাউনত কৰ্মহীন হোৱা দৰিদ্ৰসকলৰ বাবে চুনু চুডে ই-ৰিক্সা যোগান ধৰাৰ কথাও ঘোষণা কৰিছে। যাতে নিজা উপাৰ্জনেৰে পৰিয়াল পোহ পাল দিয়াৰ লগতে এটা স্বাভাৱিক জীৱন যাপন কৰিব পাৰে কৰ্ম সংস্থান হেৰুৱা দৰিদ্ৰসকলে।
দৰিদ্ৰ শিক্ষাৰ্থীক পঢ়া-শুনাৰ খৰচ বহন কৰা, চিকিৎসা ব্যয় বহন কৰা, ঘৰ নিৰ্মাণ কৰি দিয়া আদি অনেক কাম চুনু চুডে নিজা উপাৰ্জনৰ ধনেৰে কৰি আহিছে।
Main Hoon Na 🙏
Surgery scheduled for 31st. @IlaajIndia https://t.co/xLopseu7pB— sonu sood (@SonuSood) December 21, 2020
আনহাতে এগৰাকী চাৰি বছৰীয়া শিশুৰো জীৱন দান কৰিছে অভিনেতা চুনু চুডে। পক্ষঘাটগ্ৰস্ততাত আক্ৰান্ত তাহা নামৰ চাৰি বছৰীয়া শিশুটিৰ অস্ত্ৰোপচাৰ কৰিব লাগে। ব্যক্তিগত খণ্ডৰ চিকিৎসালয়খনত অস্ত্ৰোপচাৰৰ ব্যয় বহন কৰিবলৈ অক্ষম শিশুটিৰ অভিভাৱক। সামাজিক মাধ্যমৰ যোগে কথাটো চুনুৰ দৃষ্টিগোচৰ হ’ল এই কথাটো।
লগে লগে চুনুৱে ক’লে, “মে হ্যুং না”। চুনু চুডৰ আৰ্থিক সহায়ত অহা ৩১ তাৰিখে শিশুটিৰ অস্ত্ৰোপচাৰৰ দিন ঠিক কৰা হৈছে।
দৰিদ্ৰজনৰ জীৱনৰ ত্ৰাণকৰ্তাৰূপে আবিৰ্ভাৱ হোৱা চুনু চুডক এতিয়া এই দৰিদ্ৰ অনুৰাগীসকলে মানুহৰো উৰ্দ্ধত স্থান দিছে।
Telangana: Locals of Dubba Tanda village in Siddipet have constructed a temple to recognize Actor @SonuSood ‘s philanthropic work.
A local says, “He helped so many people during the pandemic. It’s a matter of great delight for us that we’ve constructed his temple.” (20.12.2020) pic.twitter.com/Agn3v4ajcO
— Ramesh Bala (@rameshlaus) December 21, 2020
তেওঁলোকে চুনু চুডক দেৱদূত হিচাপে গণ্য কৰিছে। ভগৱানৰ শাৰীত উপৱিষ্ট কৰি চুনু চুডক পূৰ্জা-অৰ্চনা পৰ্যন্ত কৰিবলৈ আৰম্ভ কৰিছে।
আনকি তেলঙ্গানাৰ ছিদ্দিপট অঞ্চলৰ ডুব্বা টাণ্ডা গাঁৱত চুনুৰ ভক্তসকলে এটা মন্দিৰ নিৰ্মাণ কৰি তাত চুনু চুডৰ প্ৰতিমূৰ্তি সংস্থাপন কৰি পূজা-অৰ্চনাও কৰা দেখা গৈছে।
স্মৰ্তব্য যে ইয়াৰ পূৰ্বে চুনু চুডৰ এই কৰ্মৰাজীৰ প্ৰতি সন্মান প্ৰদৰ্শন কৰি বিহাৰৰ শিৱান জিলাৰ বাসিন্দাই চুনু চুডৰ সোণৰ এটা প্ৰতিমূৰ্তিও নিৰ্মাণ কৰা সিদ্ধান্ত গ্ৰহণ কৰিছিল।
চলিত বৰ্ষৰ দুৰ্গা পূজাত কলকতাৰ এখন পূজা মণ্ডপত চুনু চুডৰ থিম হিচাপে গ্ৰহণ মূৰ্তি নিৰ্মাণ কৰাও হৈছিল।
ইফালে তেলেঙ্গানাৰ ছবি চ’ছিয়েল মিডিয়াত শ্বেয়াৰ কৰি চুনুৱে লিখিছে, “মই ইয়াৰ বাবে যোগ্য নহওঁ।”
