Indian young diplomat Sneha: ৰাষ্ট্ৰসংঘৰ সাধাৰণ সভাত পাকিস্তানৰ প্ৰধানমন্ত্ৰী ইমৰাণ খানে পুনৰ জম্মু-কাশ্মীৰ বিষয়ত সৰৱ হৈছিল। তাৰ পাছতেই একপ্ৰকাৰ তেওঁক তুলাধূনা দিলে এগাৰকী ভাৰত কন্যাই।
ৰাষ্ট্ৰসংঘৰ মঞ্চত ভাৰতৰ ফাৰ্ষ্ট ছেক্ৰেটাৰী স্নেহা ডুবেই ইমৰাণ খান আৰু পাকিস্তানৰ বিৰুদ্ধ সৰৱ ভূমিকা পালন কৰি সকলোৰে দৃষ্টি আকৰ্ষণ কৰিবলৈ সক্ষম হৈছে।
স্নেহা ডুবেই স্পষ্টভাৱে জনাই দিলে যে ভাৰতক লৈ ভুল তথ্য পৰিৱেশন কৰা হৈছে। এয়া অত্যন্ত দুৰ্ভাগ্যজনক।
কূটনীতিবিদ ভাৰত কন্যাৰ ভাষণ ভাইৰেল হৈ পৰাৰ লগতে তেওঁৰ এনে কাৰ্যত মুগ্ধ হৈ পৰিছে দেশবাসী।
স্নেহা ডুবেই কয়,’’ভাৰত আৰু পাকিস্তানৰ দ্বিপাক্ষিক সম্পৰ্ক উন্নতি কৰিবলৈ পাকিস্তানে সচেষ্টভাৱে কাম কৰিব লাগিব।‘’
তেওঁ লগতে কয়,’’পাকিস্তানে যে সন্ত্ৰাসবাদীক আশ্ৰয় দিয়ে, সেই কথা সকলোৱে জানে। পাকিস্তানৰ সৈতে সন্ত্ৰাসবাদীৰ সম্পৰ্কৰ দীঘলীয়া ইতিহাস আছে। এইখন এনেকুৱা এখন দেশ যিয়ে মুকলিভাৱে সন্ত্ৰাস তথা সন্ত্ৰাসবাদীসকলক সমৰ্থন কৰাৰ লগতে প্ৰশিক্ষণ দিয়ে, ধন যোগান ধৰে আৰু অস্ত্ৰ সৰবৰাহ কৰে।‘’
লগতে পঢ়ক: IPL thriller: শ্বাসৰুদ্ধকাৰী মেচত ছানৰাইজাৰ্ছ হায়দৰাবাদক IPLৰ পৰা বিদায় দিলে পাঞ্জাৱ কিংছে
তদুপৰি, স্নেহা ডুবেই ৯/১১ৰ আক্ৰমণৰ প্ৰসংগ উল্লেখ কৰি কয়,’’আক্ৰমণৰ মূল অভিযুক্ত ক’ত আশ্ৰয় পাইছিল সেয়া বিশ্বই পাহৰা নাই। জুই নুমুৱাৰ নামত জুই লগাইছে পাকিস্তানে।‘’
স্নেহা ডুবে ২০১২বৰ্ষৰ ভাৰতীয় বৈদেশিক সেৱা (আই এফ এছ)ৰ বিষয়া। গোৱাত বিদ্যালয়ৰ শিক্ষা সম্পূৰ্ণ কৰি পুনেত উচ্চ শিক্ষা গ্ৰহণ কৰি পাছত জে এন ইউৰ পৰা এম ফিল ডিগ্ৰী গ্ৰহণ কৰে।
Watch: India exercises its right of reply at the #UNGA @AmbTSTirumurti @MEAIndia @harshvshringla pic.twitter.com/YGcs28fYYa
— India at UN, NY (@IndiaUNNewYork) September 25, 2021
স্নেহাই ১২ বছৰ বয়সৰ পৰাই আই এফ এছ সেৱাত যোগদানৰ মন পুহি ৰাখিছিল। ২০১১চনত প্ৰথমবাৰ তেওঁ ইয়াৰ বাবে পৰীক্ষাত বহে।
স্নেহাৰ ডুবেৰ পৰিয়ালত তেওঁৱেই প্ৰথম চৰকাৰী চাকৰিত যোগ দিছে। তেওঁৰ পিতৃ এটা বহুজাতিক সংস্থাত কাম কৰে আৰু মাতৃ এগৰাকী শিক্ষয়িত্ৰী।
২০১৪চনত স্নেহা ডুবেই মাদ্ৰিদৰ ভাৰতীয় দূতাবাসত নিযুক্তি লাভ কৰে।