বৃহস্পতিবাৰে পুৱাই মৰিগাঁও জিলাৰ জালুগুটিবাসী ৰাইজৰ লগতে শিক্ষক সমাজলৈ আহিল এক দুঃখবৰ। মাছ খোৱা কাহিবাৰীৰ বিজ্ঞান শিক্ষক ধৰ্মেন্দ্ৰ নাথ আৰু নাই।
এই খবৰে জালুগুটিৰ শিক্ষক সমাজৰ লগতে ৰাইজৰ মাজত এক শোক বাৰ্তা লৈ আহি এক শোকৰ ছাঁ পেলোৱাৰ সময়তে দুপৰীয়াৰ ভাগত আহিল আন এক দুঃখবৰ।
প্ৰকৃতিপ্ৰেমী শিক্ষক, বৃক্ষৰোপনৰ ক্ষেত্ৰত এক দৃঢ় আগ্ৰহ থকা শিক্ষক, সকলোকে বৃক্ষ ৰোপন কৰিবলৈ দিহা পৰামৰ্শ আগবঢ়াই অহা শিক্ষক আলহাজ মমতাজ আলী আৰু নাই।
ইয়াৰ পাছতে শোকস্তব্ধ হৈ পৰে স্থানীয় ৰাইজ তথা শিক্ষকসকল।
উল্লেখ্য যে যোৱা বুধবাৰে উচ্চ ৰক্তচাপ ৰোগত আক্ৰান্ত হৈ নগাঁৱৰ এখন ব্যক্তিগত চিকিৎসালয়ত চিকিৎসাধীন হৈ ঘৰলৈ উভতি আহিছিল শিক্ষক আলহাজ মমতাজ আলী।
কিন্তু অৱশেষত জীৱন নাট যুদ্ধখনত হাৰ মানি অজান দেশলৈ গুচি যায় বিশিষ্ট শিক্ষক গৰাকী।
একে দিনাই দুজনকৈ শিক্ষকক হেৰুৱাৰ বেদনাত গভীৰ শোকত সমগ্ৰ জালুগুটি বাসী। দুই শিক্ষকৰ মৃত্যুত অঞ্চলটোৰ বিভিন্ন দল-সংগঠনে শোক প্রকাশ কৰিছে।
অসম জাতীয়তাবাদী যুব ছাত্ৰ পৰিষদৰ জালুগুটি আঞ্চলিক সমিতিয়েও দুয়োগৰাকী মহান শিক্ষকৰ বিদেহী আত্মাৰ সদগতি কামনা কৰাৰ উপৰি পৰিয়াল বৰ্গলৈয়ো গভীৰ সমবেদনা জনাইছে।