ভ্ৰমণত গৈ থকাৰ সময়তে ঘটিল কৰুণ পৰিণতি। ব্ৰাজিলত সংঘটিত হোৱা এক যাত্ৰীবাহী বিমান দুৰ্ঘটনাত ১৪ জন লোকে প্ৰাণ হেৰুৱালে।
প্ৰশাসনৰ সূত্ৰ অনুসৰি, শনিবাৰে উত্তৰ আমাজনত এখন যাত্ৰীবাহী বিমান দুৰ্ঘটনাগ্ৰস্ত হয়। ৰাজধানী মানাউছৰ পৰা ৪০০ কিলোমিটাৰ দূৰত্বত ব্ৰাছেলছত দুৰ্ঘটনাগ্ৰস্ত হয় বিমানখন।
বিমানখন আকাশৰ মাজৰ পৰা হঠাতে ভাঙি পৰি মাটিত খুন্দা মাৰে। দুৰ্ঘটনাৰ প্ৰকৃত কাৰণ কি সেয়া এতিয়াও জানিব পৰা হোৱা নাই।
লগতে পঢ়ক: অহা বছৰৰ পৰা অসমৰ চৰকাৰী মেডিকেল কলেজসমূহত নাথাকিব NRI কোটা
বিমানখনত ১২ জন যাত্ৰীৰ উপৰিও আছিল ২ জন ক্ৰু মেম্বাৰ। দুৰ্ঘটনাত আটাইকেইজনৰ মৃত্যু হয়।
সূত্ৰ অনুসৰি, বিমানখন মানাউছৰ পৰা বাৰ্চিলোনালৈ গৈ আছিল। বিমানখনত আছিল পৰ্যটক। তেওঁলোক আটাইকেইজন কোন দেশৰ সেই কথা জানিব পৰা হোৱা নাই।
লগতে পঢ়ক: হিমন্ত বিশ্ব শৰ্মাৰ মুখত ভূমি চুক্তিৰ কথা শুনাটো এক বিড়ম্বনা: মুখ্যমন্ত্ৰীক প্ৰত্যুত্তৰ গৌৰৱ গগৈৰ
ধাৰণা কৰা হৈছে যে এই দুৰ্ঘটনাত কেইজনমান আমেৰিকান নাগৰিকৰ মৃত্যু হৈছে। আমাজনৰ গৱৰ্ণৰ উইলছন লিমাই এই দুৰ্ঘটনাক লৈ দুখ প্ৰকাশ কৰে।
