শুকুৰবাৰে কেৰালাৰ তিৰুৱনন্তপুৰমত জিঞ্জাম সাগৰীয় বন্দৰ আনুষ্ঠানিকভাৱে উদ্বোধন কৰে প্ৰধানমন্ত্ৰী নৰেন্দ্ৰ মোদীয়ে। তিৰুৱনন্তপুৰমত অৱস্থিত এই সাগৰীয় বন্দৰটোৱে বিশ্বৰ জাহাজ আৰু বাণিজ্যিক পথত ভাৰতৰ উপস্থিতি যথেষ্ট বৃদ্ধি কৰিব বুলি আশা কৰা হৈছে। এই সাগৰীয় বন্দৰ প্ৰকল্পৰ দায়িত্বত আছিল ‘আদানি বন্দৰ আৰু বিশেষ অৰ্থনৈতিক জ’ন প্ৰাইভেট লিমিটেড’ কোম্পানী।
সাগৰীয় বন্দৰটো উদ্বোধন কৰাৰ পাছত প্ৰধানমন্ত্ৰীয়ে কয়, ‘এফালে এই বিশাল সাগৰত অগণন সুযোগ আছে, আনফালে প্ৰকৃতিৰ সৌন্দৰ্য্যৰ মাজত নতুন যুগত উন্নয়নৰ প্ৰতীক হিচাপে পৰিগণিত ‘ভিজিনজাম আন্তঃৰাষ্ট্ৰীয় বহুমুখী সাগৰীয় বন্দৰ’।
ইয়াৰ পিছতে প্ৰধানমন্ত্ৰীয়ে কংগ্ৰেছকে ধৰি বিৰোধীক লক্ষ্য কৰি কয়, “মই মুখ্যমন্ত্ৰী পিনাৰায় বিজয়নক এই কথা ক’ব বিচাৰো যে আপুনি ইণ্ডিয়া মঞ্চৰ এক শক্তিশালী স্তম্ভ। কংগ্ৰেছৰ সাংসদ শশী থাৰুৰো ইয়াত উপস্থিত আছে। আজিৰ অনুষ্ঠানটোৱে বহু লোকক জগাই তুলিব।
আনহাতে, দেশবাসীৰ বাবে এই ঐতিহাসিক প্ৰকল্পটো আৰম্ভ কৰাৰ বাবে ৰাজ্যবাসীৰ হৈ কেৰেলাৰ মুখ্যমন্ত্ৰী পিনাৰায়ী বিজয়নে প্ৰধানমন্ত্ৰীগৰাকীক কৃতজ্ঞতা জ্ঞাপন কৰে। তেওঁ কয়, ‘কেৰালাৰ জনসাধাৰণৰ হৈ মই পুনৰবাৰ প্ৰধানমন্ত্ৰীক আন্তৰিক কৃতজ্ঞতা জ্ঞাপন কৰিছো। এই প্ৰকল্প ৰূপায়ণৰ বাবে আদানী গোটক অভিনন্দন জনাইছো।
ইফালে, বৃহস্পতিবাৰে তিৰুৱনন্তপুৰমত কংগ্ৰেছৰ সাংসদ শশী থাৰুৰে প্ৰধানমন্ত্ৰী নৰেন্দ্ৰ মোডীক আদৰণি জনায়। থাৰুৰৰ এক্সত শ্বেয়াৰ কৰা এখন ছবিত দেখা গৈছে যে তেওঁ তিৰুৱনন্তপুৰমত প্ৰধানমন্ত্ৰী মোদীৰ সৈতে হাত মিলাইছে, তেওঁৰ কাষত থিয় হৈ আছে কেৰেলাৰ মুখ্যমন্ত্ৰী পিনাৰায়ী বিজয়ন। ইয়াৰ পূৰ্বে কংগ্ৰেছৰ সাংসদ শশীয়ে প্ৰধানমন্ত্ৰী মোদীক প্ৰশংসা কৰাক লৈ দলৰ ভিতৰত আভ্যন্তৰীণ যুঁজৰ সৃষ্টি হৈছিল।
মন কৰিবলগীয়া যে এই ভিজিনজাম সাগৰীয় বন্দৰ প্ৰকল্পত ৮,৮৬৭ কোটি টকা ব্যয় কৰা হৈছে। যোৱা ৪ ডিচেম্বৰত বন্দৰটোৱে লাভ কৰিছিল ‘বাণিজ্যিক কমিচনিং চাৰ্টিফিকেট’।কেৰালা চৰকাৰে এই প্ৰকল্পৰ বাবে দুই তৃতীয়াংশ ধন ব্যয় কৰিছে।
জানিব পৰা মতে, ‘ব্ৰেকৱাটাৰ’ৰ আশে-পাশে কৰা কামৰ সমগ্ৰ খৰচ কেৰালা চৰকাৰে বহন কৰিছিল। এতিয়ালৈকে ভাৰতৰ ৭৫ শতাংশ ‘ট্ৰেন্সশ্বিপমেণ্ট’ কণ্টেইনাৰ শ্ৰীলংকাৰ কলম্বো বন্দৰে চম্ভালিছিল। ইয়াৰ ফলত বৈদেশিক মুদ্ৰা আৰু ৰাজহৰ বৃহৎ লোকচান হ’লহেঁতেন। বিশ্বাস কৰা হৈছে যে ভিজিনজাম বন্দৰে দেশৰ সেই সমস্যা দূৰ কৰিব। ই গভীৰ পানীৰ বন্দৰ হোৱাৰ বাবে বৃহৎ মালবাহী জাহাজ লংঘন কৰাৰ বাবে ভৌগোলিকভাৱে সুবিধাজনক বুলি গণ্য কৰা হয়।
কেৰালা চৰকাৰে আদানী গ্ৰুপৰ সৈতে ৪০ বছৰীয়া চুক্তি স্বাক্ষৰ কৰি ভিজিনজাম বন্দৰ উন্নয়ন আৰু পৰিচালনাৰ বাবে স্বাক্ষৰ কৰিছে। সম্পূৰ্ণ কাৰ্যক্ষম হ’লে ভাৰতৰ কণ্টেইনাৰ ট্ৰেন্সশ্বিপমেণ্টৰ ৫০ শতাংশ প্ৰয়োজনীয়তা পূৰণ কৰিবলৈ সক্ষম হ’ব। ফলত ডুবাই, কলম্বো, ছিংগাপুৰৰ দৰে সাগৰীয় বন্দৰৰ ওপৰত ভাৰতৰ নিৰ্ভৰশীলতা কমি যাব। ২০ মিটাৰ গভীৰতাৰ এই বন্দৰটোত অতি কম ড্ৰেজিঙৰ প্ৰয়োজন হয়। ভিজিনজাম বন্দৰত মেগামেক্স কণ্টেইনাৰ জাহাজ ৰখাব পাৰি।
