প্ৰধান মন্ত্ৰী নৰেন্দ্ৰ মোদীয়ে অসমৰ মুখ্য মন্ত্ৰী সৰ্বানন্দ সোণোৱালৰ পৰা শুকুৰবাৰে ফোনযোগে ৰাজ্যৰ শেহতীয়া পৰিস্থিতি সম্পৰ্কে বুজ লয়।
প্ৰধান মন্ত্ৰীয়ে ৰাজ্যৰ সাম্প্ৰতিক বান, গৰাখহনীয়া, ভূমিস্খলন আৰু ক’ভিড-১৯ সংক্ৰমণৰ শেহতীয়া পৰিস্থিতিৰ বিষয়ে বুজ লয়।
প্ৰধান মন্ত্ৰীয়ে এইক্ষেত্ৰত কেন্দ্ৰই সকলো ধৰণৰ সহায়-সহযোগিতা আগবঢ়াব বুলি মুখ্য মন্ত্ৰীক আশ্বাস প্ৰদান কৰে।
“প্ৰধান মন্ত্ৰী নৰেন্দ্ৰ মোদীয়ে মুখ্য মন্ত্ৰীক কয় যে অসমে সন্মুখীন হোৱা এই সংকটৰ সময়ত কেন্দ্ৰীয় চৰকাৰ ৰাজ্যবাসীৰ লগত আছে। কেন্দ্ৰীয় চৰকাৰে এই দুৰ্য্যোগপূৰ্ণ সময়ৰ পৰা উদ্ধাৰ পোৱাৰ বাবে ৰাজ্য চৰকাৰলৈ সকলো ধৰণৰ সহায়-সহযোগিতা আগবঢ়াব বুলি মুখ্য মন্ত্ৰীক আশ্বাস প্ৰদান কৰে,” মুখ্য মন্ত্ৰীৰ প্ৰেছ বাৰ্তাত প্ৰকাশ।
Hon’ble Prime Minister Shri @narendramodi ji talked to me over phone and enquired about important issues faced by Assam — our fight against #COVID19, prevailing flood situation and erosion, and the challenge of landslide. He assured all necessary support from the Centre.
— Sarbananda Sonowal (@sarbanandsonwal) July 3, 2020
মুখ্য মন্ত্ৰীয়ে ৰাজ্যখনে শেহতীয়াকৈ সন্মুখীন হৈ অহা সমস্যাসমূহৰ বিষয়ে বিস্তাৰিতভাৱে প্ৰধান মন্ত্ৰীক অৱগত কৰে।
লগতে এই সকলোবোৰ ক্ষেত্ৰত ৰাজ্য চৰকাৰে গ্ৰহণ কৰা পদক্ষেপৰ বিষয়েও মুখ্য মন্ত্ৰীয়ে প্ৰধান মন্ত্ৰী মোদীক অৱগত কৰে।