মঙলবাৰে উত্তৰ-পূবৰ মুখ্য মন্ত্ৰীসকলৰ সৈতে কথা পাতিব প্ৰধান মন্ত্ৰী মোদীয়ে

প্ৰধান মন্ত্ৰী নৰেন্দ্ৰ মোদীয়ে মঙলবাৰে অসমকে ধৰি উত্তৰ-পূবৰ ৰাজ্যসমূহৰ মুখ্য মন্ত্ৰীসকলৰ সৈতে কথা পাতিব।

প্ৰধান মন্ত্ৰী কাৰ্য্যালয়ে সদৰী কৰা মতে, মঙলবাৰে উত্তৰ-পূবৰ ৰাজ্যসমূহকে ধৰি ২১খন ৰাজ্য/ কেন্দ্ৰীয় শাসিত অঞ্চলৰ মুখ্য মন্ত্ৰীৰ সৈতে বাৰ্তালাপ কাৰ্য্যসূচীটো অনুষ্ঠিত হ’ব।

ভিডিঅ’ কনফাৰেন্সিঙৰ জৰিয়তে হ’ব লগা কাৰ্য্যসূচীটোত বুধবাৰে বাকী ১৫খন ৰাজ্য/কেন্দ্ৰীয় শাসিত অঞ্চলৰ মুখ্য মন্ত্ৰীৰ সৈতে প্ৰধান মন্ত্ৰীয়ে কথা পাতিব।

বিয়লি ৩ বজাৰ পৰা এই বাৰ্তালাপ কাৰ্য্যসূচী আৰম্ভ হ’ব বুলি জানিব পৰা গৈছে।

PM @narendramodi will interact with state Chief Ministers on the 16th and 17th. pic.twitter.com/RWGeanxgHd

— PMO India (@PMOIndia) June 12, 2020

ধাৰণা কৰা হৈছে ক’ভিড-১৯ সম্পৰ্কীয় সাম্প্ৰতিক পৰিস্থিতি সন্দৰ্ভত প্ৰধান মন্ত্ৰী মোদীয়ে মুখ্য মন্ত্ৰীসকলৰ সৈতে আলোচনা কৰিব।

প্ৰধান মন্ত্ৰীয়ে মহামাৰীবিধ সন্দৰ্ভত ব্যক্তিগতভাৱে পৰিস্থিতিৰ বুজ ল’ব।

ক’ভিড-১৯ৰ বিৰুদ্ধে দেশজোৰা লকডাউনৰ আনলক পৰ্য্যায়ত এইখনেই মুখ্য মন্ত্ৰীসকলৰ সৈতে প্ৰধান মন্ত্ৰীৰ এনে প্ৰথমখন বৈঠক।