পাকিস্তান অধিকৃত কাশ্মীৰত পাক সেনাৰ হাতত প্ৰাণ হেৰুৱাইছে সহস্ৰাধিক লোকে; সহায় বিচাৰিলে ভাৰতৰ

পাকিস্তান অধিকৃত কাশ্মীৰত পুনৰ অশান্তি বৃদ্ধি পাইছে। পাকিস্তানী সেনাৰ অত্যাচাৰৰ বাবে সহস্ৰাধিক লোকৰ মৃত্যু হৈছে। আনকি ৬০০ৰো অধিক মানৱ অধিকাৰ কৰ্মীক গ্ৰেপ্তাৰ কৰাৰ বিৰুদ্ধে ওলাই অহা প্ৰতিবাদকাৰীক পাকিস্তানী সেনাই নিৰ্বিচাৰে গুলীচালনা কৰাৰ অভিযোগ উত্থাপন হৈছে।

এনে পৰিস্থিতিত পাকিস্তান অধিকৃত কাশ্মীৰৰ নেতাই ভাৰতৰ পৰা সহায় বিচাৰি চিঠি প্ৰেৰণ কৰিছে। আনকি পৰিস্থিতি অধিক বেয়া হ’লে সাধাৰণ নাগৰিকক ভাৰতলৈ যোৱাৰ সুযোগ দিয়া উচিত বুলিও তেওঁ দাবী কৰে৷

সূত্ৰ অনুসৰি তেওঁলোকে পাকিস্তান অধিকৃত কাশ্মীৰৰ বাসিন্দাসকলৰ মৌলিক অধিকাৰৰ বাবে প্ৰতিবাদ সাব্যস্ত কৰি বন্দী মানৱ অধিকাৰ কৰ্মীসকলক মুক্তিৰ দাবী জনাইছিল। প্ৰতিবাদত মহিলা আৰু শিশুও উপস্থিত থাকে। কিন্তু প্ৰতিবাদৰ সময়ত পাকিস্তানী সেনাই প্ৰতিবাদকাৰীক ছত্ৰভংগ দিবলৈ চেষ্টা চলাই আনকি নিৰ্বিচাৰে গুলীচালনাও আৰম্ভ কৰে।

ইফালে, যোৱা সপ্তাহত ঈদগাহ ময়দানত অনুষ্ঠিত এক বিশাল প্ৰতিবাদী সমদলত সাধাৰণ মানুহে ‘পাকিস্তান অধিকৃত কাশ্মীৰ পাকিস্তানৰ অংশ নহয়’, ‘আমি স্বাধীনতা বিচাৰো’ আদি শ্লোগান উত্থাপন কৰিবলৈ আৰম্ভ কৰে। অঞ্চলটোৰ ওপৰত পাকিস্তানৰ দীৰ্ঘদিনীয়া ৰাজনৈতিক নিয়ন্ত্ৰণৰ বিৰোধিতা কৰি এই আন্দোলনটো চলিছিল।

এনে পৰিস্থিতিৰ পৰিপ্ৰেক্ষিতত যৌথ আৱামী একচন কমিটীৰ নেতা চৰ্দাৰ আমান খানে ভাৰতৰ সৈতে তেওঁৰ ঘনিষ্ঠ সম্পৰ্কৰ কথা ঘোষণা কৰি এটা ভিডিঅ’ মুকলি কৰে। তেওঁ দাবী কৰে যে ইছলামবাদে প্ৰতিবাদৰ ওপৰত ব্যাপক দমন-নিপীড়ন আৰম্ভ কৰি অঞ্চলটোত অৰ্থনৈতিক অৱৰোধ আৰোপ কৰিছে।

আনকি জেএচিৰ নেতাগৰাকীয়ে নতুন দিল্লীক সহায়ৰ বাবে আহ্বান জনাই সীমান্ত মুকলি কৰিবলৈ অনুৰোধ জনায়। তেওঁ যুক্তি আগবঢ়ায় যে পৰিস্থিতি অধিক বেয়া হ’লে সাধাৰণ নাগৰিকক ভাৰতলৈ যোৱাৰ সুযোগ দিয়া উচিত।

তেওঁৰ ভাষাত, “আমাক ভাৰতৰ সহায় লাগে। ৰেচনৰ নাটনি হৈছে। আমাক আপোনালোকৰ সহায় লাগে। নিৰাপত্তা বাহিনীয়ে প্ৰতিবাদকাৰীৰ বিৰুদ্ধে অভিযান তীব্ৰতৰ কৰাৰ লগে লগে পাকিস্তান অধিকৃত কাশ্মীৰৰ বাসিন্দাসকলে খাদ্য আৰু ঔষধৰ নাটনিৰ সন্মুখীন হৈছে।”

আনকি তেওঁ সকীয়াই দিয়ে যে, “যদি জনসাধাৰণৰ দাবীৰ প্ৰতি সঁহাৰি জনাই কৰ্তৃপক্ষই গুলীচালনা কৰে তেন্তে আমাৰ হাতত আন বিকল্প আছে। কিন্তু ভৱিষ্যতে ইয়াৰ পৰিণতিৰ বাবে পাকিস্তানে অনুশোচনা কৰিবলগীয়া হ’ব পাৰে।”

“Help Us, India”: PoJK Protesters Make Direct Appeal Amid Food Shortage

On the 26th day of protests, one of the main protest leaders, Sardar Aman Khan, appealed to the people across the Line of Control and to India for help, alleging that Pakistan has blocked food and medicine… pic.twitter.com/DRg3z2AlrL

— OsintTV 📺 (@OsintTV) July 5, 2026

কাশ্মীৰ আৰু পাকিস্তান  অধিকৃত কাশ্মীৰৰ মাজত সীমান্ত আঁতৰোৱাৰ বাবে অনুৰোধ জনাই তেওঁ কয়, “আহক আমি একত্ৰিত হওঁ। পাকিস্তানী শাসকসকলে আমাক দুৰ্বল বুলি ভাবিলে ভুল কৰা হ’ব। যদি তেওঁলোকে ভাবে যে আমি ইয়াত আবদ্ধ হৈ পৰিছো, তেন্তে সেয়া অত্যন্ত ভুল ধাৰণা।”