কলিয়াবৰ থানা অন্তৰ্গত চতিয়ালৰ ৰাজপথত আৰক্ষীয়ে জব্দ কৰিছে প্ৰায় ৫ কোটি টকা মূল্যৰ ড্ৰাগছ।
জানিব পৰা অনুসৰি লাহৰিজানৰ পৰা AS01 AV 3048 নম্বৰৰ চেন্ট্ৰ গাড়ীখনেৰে নগাঁৱৰ জুৰিয়ালৈ কঢ়িয়াই অনা হৈছিল ড্ৰাগছখিনি।
কলিয়াবৰ মহকুমা আৰক্ষী বিষয়া মৃন্ময় দাসৰ নেতৃত্বত আৰক্ষীয়ে অভিযান চলাই জব্দ কৰে আৰক্ষীয়ে বৃহৎ পৰিমাণৰ ড্ৰাগছ খিনি।
এক গোপন সূত্ৰৰ পম খেদি কলিয়াবৰৰ মহকুমা আৰক্ষী বিষয়া মৃণ্ময় দাসৰ নেতৃত্বত আৰক্ষীৰ এটা দলে অভিযান চলাই সফল হয়।
আৰক্ষীয়ে ড্ৰাগছ সৰবৰাহকাৰীক জুৰিয়াৰ ময়দুল ইছলামক আটক কৰিবলৈ সক্ষম হয়।সৰবৰাহকাৰী জনৰ পৰা আৰক্ষীয়ে। নগদ ৫০ হাজাৰ টকাও জব্দ কৰে ।
আৰক্ষীয়ে অধিক তথ্য লাভৰ বাবে ধৃত ময়দুল ইছলামক জেৰা চলাই আছে।
