তেওঁক ‘দ্য মেন ইন দ্য আইৰন লাং’ নামেৰে জনা গৈছিল। বিশেষ ধৰণে তেওঁৰ শৰীৰত নিহিত হৈ থকা লোহাৰ হাওঁফাওঁৰ বাবেই এই নামকৰণ কৰা হৈছিল। সেই ধাতুৰে আবৃত জীৱনটো এৰি ৭৮ বছৰ বয়সত আমেৰিকাৰ পল আলেকজেণ্ডাৰৰ মৃত্যু হৈছে।
১৯৫২ চনত ছয় বছৰ বয়সত পল পলিঅ’ত আক্ৰান্ত হয়। আৰু ইয়াত ডিঙিৰ তলৰ পৰা শৰীৰৰ বাকী অংশ পক্ষাঘাত বা অচেতন হৈ পৰে।
ইয়াৰ কাৰণে পলে স্বতন্ত্ৰভাৱে উশাহ লোৱাৰ ক্ষমতাও হেৰুৱাই পেলায়। ইয়াৰ সমাধান বিচাৰি চিকিৎসকে পলৰ বাবে এটা ধাতুৰ চিলিণ্ডাৰ বনায়। আৰু পলে জীৱনৰ বাকী সময়খিনি সেই চিলিণ্ডাৰৰ সহায়তে কটালে।
লগতে পঢ়কঃ কাজিৰঙাৰ সংৰক্ষিত অঞ্চলত পৰিভ্ৰমী চৰাইক বিহ দি হত্যা কৰাৰ অপৰাধত তিনিজনক গ্ৰেপ্তাৰ
তেওঁৰ আইনৰ ডিগ্ৰী আছে আৰু লগতে আইন চৰ্চাও কৰিছিল। তেওঁ এখন স্মৃতিকথাও প্ৰকাশ কৰিছিল।
তেওঁৰ সাহায্য সংগ্ৰহকাৰী সংস্থাটোৱে কয় যে পল কলেজলৈ গৈছিল, উকীল হৈছিল আৰু কিতাপ লিখিছিল। পল আছিল এক অবিশ্বাস্য আদৰ্শ।
তেওঁৰ ভাতৃ ফিলিপ আলেকজেণ্ডাৰে কয় যে তেওঁ আছিল সদায় উষ্ম আদৰণি জনোৱা ব্যক্তি। তেওঁৰ হাঁহিটো আছিল বৰ আকৰ্ষণীয়। তেওঁৰ সেই হাঁহিটোৱে মানুহক সহজেই অনুপ্ৰাণিত কৰিছিল।
লগতে পঢ়কঃ কুকুৰৰ পৰা সাৱধান! ভাৰতত নিষিদ্ধ হ’ল পিটবুলকে ধৰি হিংস্ৰ কুকুৰ বিক্ৰী; আপোনাৰো আছে নেকি?
ফিলিপে কয়, “তেওঁ মোৰ বাবে এজন স্বাভাৱিক ভাতৃৰ দৰে আছিল। আমি আগতে কাজিয়া কৰিছিলোঁ আৰু খেলিছিলোঁ। আমি একেলগে কনচাৰ্টলৈ গৈছিলোঁ।’
