Priti Patel: লিজ ট্ৰাছ প্ৰধানমন্ত্ৰী নিৰ্বাচিত হোৱাৰ পিছতেই ব্ৰিটেইনৰ গৃহ সচিব প্ৰীতি পেটেলৰ পদত্যাগ
Priti Patel resigns as UK Home Secretary লিজ ট্ৰাছ ব্ৰিটেইনৰ পৰৱৰ্তী প্ৰধানমন্ত্ৰী হিচাপে নিৰ্বাচিত হোৱাৰ পিছতে ভাৰতীয় বংশোদ্ভূত প্ৰীতি পেটেলে গৃহ সচিব পদ ত্যাগ কৰাৰ সিদ্ধান্ত ঘোষণা কৰিছে। নৱ নিৰ্বাচিত প্ৰধানমন্ত্ৰীৰ মন্ত্ৰীসভাত নাথাকে বুলিও জানিবলৈ দিছে পেটেলে।
সোমবাৰে বিদায়ী প্ৰধানমন্ত্ৰী বৰিছ জনছনলৈ লিখা এখন পত্ৰত প্ৰীতিয়ে লিখিছে, “লিজ ট্ৰাছে আনুষ্ঠানিকভাৱে দায়িত্ব গ্ৰহণ কৰাৰ পিছত আৰু এজন নতুন গৃহ সচিব নিযুক্ত হোৱাৰ পিছতে মই পিছৰ শাৰীৰ থাকি দেশৰ সেৱা আৰু উইথাম কেন্দ্ৰৰ বাবে কাম কৰি যাম।”
লগতে পঢ়ক: First inhaling Covid-19 vaccine: প্ৰথমখন দেশ হিচাপে কৰোনাভাইৰাছৰ ‘ইনহেলড’ভেকচিনত অনুমোদন দিলে চীনে
প্ৰীতিয়ে ব্ৰিটেইনৰ নতুন প্ৰধানমন্ত্ৰীকো অভিনন্দন জনাইছে। তেওঁ কয় যে তেওঁ লিজক সমৰ্থন কৰিব। প্ৰীতিয়ে লগতে উল্লেখ কৰে যে তেওঁ গৃহ সচিব হিচাপে দায়িত্ব পালন কৰি সন্মানিত বোধ কৰিছে।
জনছনলৈ লিখা পত্ৰত তেওঁ লিখিছে, “দেশৰ সুৰক্ষা, প্ৰবাসী ব্যৱস্থাৰ সংস্কাৰৰ বাবে কাম কৰি মই গৌৰৱান্বিত। আপোনাৰ নেতৃত্বত দেশৰ সেৱা কৰাৰ সুযোগ পোৱাটো মোৰ বাবে এক গৌৰৱৰ বিষয়। আপোনাৰ নেতৃত্ব অবিহনে, দেশৰ সুৰক্ষা, আইন কঠোৰ কৰা আৰু আমাৰ প্ৰতিশ্ৰুতি পূৰণ কৰা সম্ভৱ নহ’লহেঁতেন।‘’
লগতে পঢ়ক: নোবেল বিজয়ী সাংবাদিক মুৰাটভৰ বাতৰিকাকতৰ অনুজ্ঞাপত্ৰ বাতিল কৰিলে ৰাছিয়াই
তেওঁ এই সন্দৰ্ভত ‘ব্ৰেক্সিট’ৰ বিষয়টোও উত্থাপন কৰি লিখিছে, “ব্ৰেক্সিট সম্পূৰ্ণ কৰাৰ বাবে আপোনাৰ (বৰিছ জনছন) এক স্পষ্ট পৰিকল্পনা আছিল। সংসদৰ অচলাৱস্থা আঁতৰাই দিছে। ২০১৯ চনত এক ঐতিহাসিক বিজয় অৰ্জন কৰিছে। মাৰ্গাৰেট থেচাৰৰ পিছত কোনো এটা ৰাজনৈতিক দলে সৰ্বাধিক ভোট লাভ কৰিছে।‘’
It has been the honour of my life to serve as Home Secretary for the last three years.
I am proud of our work to back the police, reform our immigration system and protect our country.
My letter to Prime Minister @BorisJohnson 👇🏽 pic.twitter.com/seTx6ikX25
— Priti Patel MP (@pritipatel) September 5, 2022
ভাৰতীয় বংশোদ্ভূত ঋষি ছুনাকক পৰাস্ত কৰি লিজ ট্ৰাছ সোমবাৰে ব্ৰিটেইনৰ নতুন প্ৰধানমন্ত্ৰী হিচাপে নিৰ্বাচিত হয়। তেওঁ ২০,০০০ তকৈও অধিক ভোটত জয়ী হৈছে। মুঠ বৈধ ভোটৰ ভিতৰত লিজে ৮১,৩২৬টা ভোট লাভ কৰিছে। ঋষিয়ে লাভ কৰিছে ৬০ হাজাৰ ৩৯৯ টা ভোট। ক্ষমতাসীন কনজাৰ্ভেটিভ পাৰ্টিৰ ১,৬০,০০০ তকৈও অধিক সদস্যই “বিশেষ পৰিস্থিতিত” প্ৰধানমন্ত্ৰী বৰিছ জনছনৰ উত্তৰাধিকাৰী হিচাপে লিজক নিৰ্বাচিত কৰিবলৈ ভোট দিছে।