এগৰাকী তেৰ বছৰীয়া কিশোৰী। শৈশৱ আৰু কৈশোৰৰ সেন্দুৰীয়া এই যাত্ৰাৰ সময়তে স্থবিৰ হৈ পৰিল জীবনৰ গতি। সম বয়সৰ আন কোনোৱে কৈশোৰৰ এই মনোমোহা সময়ছোৱা ৰং-ৰহইচেৰে উদযাপন কৰাৰ সময়ত তেৰ বছৰীয়া এই কিশোৰী গৰাকীয়ে দিন কটাইছে বিচনাত পৰি।
তামুলপুৰ জিলাৰ মাজদিয়া গাঁৱৰ শ্ৰীৰাম দাস আৰু প্রিয়লতা দাসৰ অষ্টম শ্ৰেণীত অধ্যয়নৰত কন্যা জুপিতৰা দাসৰ বৰ্তমান বিচনাই হৈ পৰিছে সংগী।
যিসময়ত লগৰীয়া সমনীয়াই বিদ্যালয়ত পঢ়া-শুনাত ব্যস্ত, সেই সময়ত কিন্তু এইগৰাকী কিশোৰী বিচনাত যান্ত্ৰনাত ককবকাই আছে।
কিশোৰী গৰাকী যন্ত্ৰনাত পৰি থকা দৃশ্য দেখিলে সকলোৱে হয়তো হতচকিত হৈ পৰিব।
যোৱা ডিচেম্বৰ মাহতে জুপিতৰা এক জটিল ৰোগত ৰোগত আক্ৰান্ত হয়। অস্বাভাৱিকভাৱে বৃহৎ আকাৰত ওফন্দি উঠে শৰীৰৰ পেটৰ অংশ।
ইয়াৰ পাছতে দৰিদ্ৰ পৰিয়ালটিয়ে কিশোৰীগৰাকীক চিকিৎসাৰ বাবে গুৱাহাটী চিকিৎসা মহাবিদ্যালয়লৈ আনে। কিন্তু জিএমচিএইচ- ত চিকিৎসা কৰাৰ পাছতো পোৱা নগ’ল কোনো সুফল।
দৰিদ্ৰ পৰিয়ালটিয়ে চিকিৎসাৰ বাবে পইচাৰ অভাৱত নিজৰ খেতিমাটি কেইডৰাও বন্ধকত থয়। কিন্তু কোনো চিকিৎসাই ফল নধৰাৰ পিছত এতিয়া দুখত ভাগি পৰিছে পৰিয়ালটো।
অসহায় পৰিয়ালটিয়ে এতিয়া চকুপানীৰে নেদেখা হৈছে বাট। পৰিয়ালটিয়ে সহায় বিচাৰি অনুৰোধ জনাইছে সদাশয় ৰাইজ, জনপ্ৰতিনিধি, অসম চৰকাৰ তথা অসম চৰকাৰৰ মুখ্যমন্ত্ৰী গৰাকীক।
কোনো হৃদয়বান লোকে সহায় কৰিব বিচাৰিলে তামুলপুৰ শাখাৰ অসম গ্ৰামীণ বিকাশ বেংকৰ একাউণ্ট নম্বৰ 7085026012149 আৰু IFSC Code UTBIORRBAGB যোগে আৰ্থিক সাহায্য প্ৰেৰণ কৰিবলৈ পৰিয়ালৰ লোকসকলে অনুৰোধ জনাইছে।
