পুলৱামা আক্ৰমণ নৰেন্দ্ৰ মোদীয়ে পৰিকল্পিতভাৱে কৰাইছিল : মিজোৰামৰ প্ৰাক্তন ৰাজ্যপাল
দেশ কঁপাই যোৱা পুলৱামা আক্ৰমণৰ পৰিকল্পনা কৰিছিল খোদ দেশৰ প্ৰধান মন্ত্ৰী নৰেন্দ্ৰ মোদীয়ে! এই বিষ্ফোৰক অভিযোগ মিজোৰামৰ প্ৰাক্তন ৰাজ্যপাল আজিজ কুৰেশ্বিৰ।
১৪ এপ্ৰিলত সংবাদ মাধ্যমৰ আগত মিজোৰামৰ প্ৰাক্তন ৰাজ্যপাল তথা কংগ্ৰেছ দলৰ প্ৰাক্তন নেতা গৰাকীয়ে দাবী কৰে যে চি আৰ পি এফ জোৱানৰ ওপৰত চলোৱা আক্ৰমণটো ‘পৰিকল্পনা’ কৰিছিল।
#WATCH MP: Ex-Mizoram Guv Aziz Qureshi speaks on Pulwama attack&PM, says "Plan karke aapne ye karwaya taki apko mauka mile, lekin janta samajhti hai. Agar Modi ji chahein ki 42 jawanon ki hatya karke, unki chitaon ki raakh se apna rajtilak kar lein, janta nahi karne degi."(14.04) pic.twitter.com/WvQfFpKF8L
— ANI (@ANI) April 15, 2019
সংবাদ প্ৰতিষ্ঠান এ এন আইৰ টুইটাৰ হেণ্ডেলত প্ৰচাৰিত এক ভিডিঅ’ ক্লিপত নৰেন্দ্ৰ মোদীক উদ্দেশ্যি কুৰেশ্বিয়ে কয়, ‘প্লেন কৰি আপুনি এইয়া কৰোৱাইছে যাতে আপুনি সুযোগ পায়, কিন্তু জনতাই বুজি পায়। মোদীজীয়ে যদি ভাবিছে যে ৪২জন জোৱানক হত্যা কৰি, তেওঁলোকৰ চিতাভস্মৰে নিজে ৰাজতিলক পিন্ধিব, জনতাই নিদিয়ে কৰিবলৈ।‘
উল্লেখযোগ্য যে যোৱা ১৪ ফেব্ৰুৱাৰিত পুলৱামাত সংঘটিত জইছ-ই-মহম্মদৰ আত্মঘাতী বোমাৰুৰ আক্ৰমণত ৪০জনতকৈ অধিক চি আৰ পি এফ জোৱান চহিদ হৈছিল।