নাৰী দিৱসৰ দিনাই ভাৰতৰ এখন ৰাজ্যৰ মুখ্যমন্ত্ৰীয়ে এক বৃহৎ ঘোষণা কৰিছে।
পঞ্জাৱৰ মুখ্যমন্ত্ৰী অমৰিন্দৰ সিঙে সোমবাৰে ঘোষণা কৰিছে যে সমগ্ৰ ৰাজ্যতে মহিলাসকলৰ বাছ ভাড়া ৰেহাই দিয়া হ’ব।
নিজৰ টুইটাৰ একাউন্টত মুখ্যমন্ত্ৰীগৰাকীয়ে এই ঘোষণা কৰিছে।
“মই এই কথা জনাবলৈ পায় সুখী হৈছো, পঞ্জাৱ চৰকাৰে সিদ্ধান্ত গ্ৰহণ কৰিছে যে সমগ্ৰ ৰাজ্যতে মহিলাসকলৰ বাবে বাছ ভাৰা ৰেহাই দিয়া হ’ব। আমি নাৰী সৱলীকৰণ, নাৰীক শক্তিশালী কৰিবলৈ সদায় বদ্ধপৰিকৰ। ইয়াক আমি সদায় আগুৱাই লৈ যাম। সকলোলৈকে আন্তৰাষ্ট্ৰীয় নাৰী দিৱসৰ শুভেচ্ছা জ্ঞাপন কৰিছো।” মুখ্যমন্ত্ৰীগৰাকীয়ে টুইটত কয়।
পঞ্জাৱ চৰকাৰে আন্তৰাষ্ট্ৰীয় নাৰী দিৱসৰ উপলক্ষে নাৰী সৱলীকৰণ আৰু নিৰাপত্তাৰ বাবে এখন নতুন আঁচনি আৰম্ভ কৰিব বুলিও প্ৰকাশ কৰিছে।
পঞ্জাৱ চৰকাৰে ৰাজ্যখনত আন্তৰাষ্ট্ৰীয় নাৰী দিৱসৰ দিনাই ২,০৪৭ গৰাকী শিক্ষক আৰু আৰক্ষী হেল্পডেক্স আৰু শক্তি হেল্পলাইনত ১৮১ গৰাকী নাৰীক নিযুক্তি প্ৰদান কৰি নিযুক্তি পত্ৰও প্ৰদান কৰিছে। এই কথা মুখ্যমন্ত্ৰী অমৰিন্দৰ সিঙে প্ৰকাশ কৰিছে।
“আমাৰ পঞ্চমখন বাজেটত পাঞ্জাৱৰ বৰ্তমানৰ প্ৰয়োজনীয়তা আৰু আমাৰ ভৱিষ্যত প্ৰজন্মৰ প্ৰয়োজনীয়তাৰ মাজত ভাৰসাম্য বজাই ৰখাৰ বাবে সুখী। কৃষি, স্বাস্থ্য সেৱা, শিক্ষা, মহিলা, সামাজিক সুৰক্ষা আৰু ৰাজ্যিক আন্তঃগাঁথনিৰ বিকাশেই ৰাজ্যিক বাজেট আৰু আমাৰ শাসনৰ মূল স্তম্ভ গঠন কৰিছে,” মুখ্যমন্ত্ৰীগৰাকীয়ে লগতে কয়।”