হিন্দু বিদেশী নহয়, কিন্তু জিন্নাকহে ভাৰতত বিচাৰে ৰাহুলে: শিলচৰত উদাত্ত ঘোষণা হিমন্তৰ
ৰাহুল গান্ধীয়ে জিন্নাক ভাৰতত থকাটো বিচাৰে, কিন্তু নিবিচাৰে বাংলাদেশৰ হিন্দুক। শিলচৰত বিজেপিৰ জনসভাত শুকুৰবাৰে উদাত্ত কণ্ঠে এই ঘোষণা কৰিছে হিমন্ত বিশ্ব শৰ্মাই।
শিলচৰৰ ৰাম নগৰত অসমত গেৰুৱা দলটোৰ ’১৯ৰ নিৰ্বাচনী প্ৰচাৰ আৰম্ভ কৰি মন্ত্ৰীজনে লগতে মন্তব্য কৰে যে হিন্দু ভাৰতত কদাপি বিদেশী নহয়।
লগতে পঢ়ক– শীঘ্ৰেই নাগৰিকত্ব সংশোধনী বিধেয়ক গৃহীত হ’ব: বৰাকবাসীক আশ্বাস দিলে মোদীয়ে
“হিন্দু ভাৰতত বিদেশী হ’ব নোৱাৰে। আমি বিচাৰো হিন্দু, জেন আৰু খ্ৰিস্তান ভাৰতত থাকক, কিন্তু ৰাহুল গান্ধীয়ে বিচাৰে কেৱল জিন্নাহে ভাৰতত থাকক,” শৰ্মাৰ মন্তব্য।
লগতে পঢ়ক– ২০১৪-ত ‘টালি-টোপোলা বান্ধিব লাগিব বাংলাদেশীয়ে’, ‘১৯-ত ‘স্বাগতম হিন্দু বাংলাদেশী’
ৰেফেল চুক্তিক লৈ বিজেপি চৰকাৰক তীব্ৰ আক্ৰমণ কৰি অহা কংগ্ৰেছ সভাপতিজনক প্ৰত্যাক্ৰমণৰো চেষ্টা কৰে অসমৰ প্ৰভাৱশালী মন্ত্ৰীজনে।
“ৰাহুলে ভাৰতৰ প্ৰতিৰক্ষা সামৰ্থ্য পাকিস্তানতকৈ তলত থকাটো বিচাৰে। তেওঁ ভাৰতে ৰেফেল যুদ্ধ বিমান ক্ৰয় কৰাতো নিবিচাৰে,” শৰ্মাৰ মন্তব্য।