বিগত কৰ্ণাটক বিধানসভা নিৰ্বাচনৰ সময়ত ৰাহুল গান্ধীক কেইবাবাৰো সাধাৰণ মানুহৰ সৈতে ভ্ৰমণ কৰা দেখা গৈছিল। বাছতেই হওক বা কেতিয়াবা কাৰোবাৰ বাইকৰ পিছফালেই হওক। আগন্তুক ৰাজস্থান বিধানসভা নিৰ্বাচনৰ পূৰ্বেও প্ৰচাৰৰ স্বাৰ্থত একে পন্থা গ্ৰহণ কৰিছে ৰাহুল গান্ধীয়ে।
ৰাহুলৰ অন্যতম বিশেষত্ব হৈছে সাধাৰণ মানুহৰ লগত মিলি গৈ দলৰ বাবে প্ৰচাৰ চলোৱা। কেতিয়াবা ট্ৰাকত বহি যায়, কেতিয়াবা নিজেই বাইক চলাই লাডাখত ঘূৰি ফুৰে। এইবাৰ ৰাহুলক এগৰাকী কলেজীয়া যুৱতীৰ স্কুটীত উঠি পিছফালে বহি যোৱা দেখা গ’ল।
লগতে পঢ়ক: প্ৰধানমন্ত্ৰী মোডীৰ কনভয়ৰ সন্মুখত জঁপিয়াই পৰি চিঞৰি উঠিল যুৱ বিজেপি কৰ্মী-‘চাকৰি দিয়ক’!
জয়পুৰত এই ঘটনা। ইতিমধ্যে ছ’চিয়েল মিডিয়াত ভাইৰেল হৈ পৰিছে ৰাহুল গান্ধীৰ সেই ভিডিঅ’। জানিব পৰা মতে, ৰাহুলে জয়পুৰৰ মহাৰাণী কলেজৰ এগৰাকী ছাত্ৰীৰ স্কুটীৰ পিছফালে উঠি কিছু সময় ঘূৰি ফুৰিছিল।
এটা ভাইৰেল ভিডিঅ’ত কলেজীয়া যুৱতীৰ পিলিয়ন ৰাইডাৰ হৈ পৰিল ৰাহুল গান্ধী। বগা টি-চাৰ্ট পিন্ধা ৰাহুল গান্ধীয়ে বগা কুৰ্তি পিন্ধা যুৱতীগৰাকীৰ পিছফালে বহি আছে। দুয়োৰে মূৰত হেলমেট। ৰাহুলে আঁঠুৰ ওপৰত হাত দুখন দি ৰাখিছে। তেওঁলোকৰ আশেপাশে আন বহুতে স্কুটাৰ আৰু বাইকেৰে ঘূৰি ফুৰিছিল।
ৰাহুলৰ নিৰাপত্তাৰক্ষীও আশে-পাশে আছিল। সেই মহাবিদ্যালয়খনৰ আন বহু ছাত্ৰ-ছাত্ৰীয়ে তাত ভিৰ কৰিছিল। সেই মহাবিদ্যালয়ৰ বহু শিক্ষকো ৰাহুলক চাবলৈ তাত গোট খাইছিল।
লগতে পঢ়ক: চকুৰ সন্মুখতে পত্নীক ‘দলবদ্ধ ধৰ্ষণ’! অপমানত একেলগে বিহ সেৱন কৰি মৃত্যু সাৱটিলে দম্পতীয়ে
জনা যায় যে ৰাহুলক স্কুটীত তুলি নিয়া যুৱতীগৰাকীৰ নাম মীমাংসা উপাধ্যায়। ছ’চিয়েল মিডিয়া প্লেটফৰ্ম এক্সত এটা পোষ্টত ৰাহুল গান্ধীয়ে নিজেই প্ৰকাশ কৰিছে ছোৱালীজনীৰ নাম। বাৰ্তাটোত কংগ্ৰেছৰ সাংসদগৰাকীয়ে লিখিছে, ‘মীমাংসা উপাধ্যায়ৰ দৰে নাৰীসকলৰ হাত শক্তিশালী কৰা উচিত। কাৰণ তেওঁলোক দেশৰ ভৱিষ্যত।’
Empower women like Mimansha Upadhyay, and they’ll lead our country to a brighter future. pic.twitter.com/h2p6uW4Kag
— Rahul Gandhi (@RahulGandhi) September 23, 2023
ইপিনে, কংগ্ৰেছে ৰাহুলে স্কুটীত উঠি ফুৰাৰ ভিডিঅ’টো ছ’চিয়েল মিডিয়াত পৃথকে পৃথকে পোষ্ট কৰে। দলটোৰ অফিচিয়েল এক্স হেণ্ডেলত ৰাহুলৰ ভিডিঅ’টো পোষ্ট কৰা হৈছে, য’ত লিখা হৈছে – ‘ৰাজস্থানত জয়নায়ক’।
राजस्थान में जननायक ❤️ pic.twitter.com/Z1LdZKO6Q8
— Congress (@INCIndia) September 23, 2023
আনহাতে, ৰাহুল গান্ধীয়ে স্কুটীতত বহি থকাৰ পূৰ্বে জয়পুৰৰ মহাৰাণী মহাবিদ্যালয়ৰ ছাত্ৰ-ছাত্ৰীৰ সৈতে বহু সময় কথা পাতি থকা দেখা গৈছিল। তেওঁ মেধাৱী ছাত্ৰ-ছাত্ৰীক স্কুটি বিতৰণ কৰে।
ইয়াৰ পূৰ্বে পুৱা জয়পুৰ বিমানবন্দৰত ৰাহুল গান্ধীক আদৰণি জনাবলৈ উপস্থিত হৈছিল ৰাজ্যৰ মুখ্যমন্ত্ৰী অশোক গেহলট, ৰাজ্যিক কংগ্ৰেছৰ সভাপতি গোবিন্দ সিং দোতাছৰা। জয়পুৰত প্ৰদেশ কংগ্ৰেছৰ নতুন ভৱনৰ আধাৰশিলা স্থাপন কৰে ৰাহুল গান্ধী আৰু দলৰ মুৰব্বী মল্লিকাৰ্জুন খাৰ্গেই।
লগতে পঢ়ক: পিন্ধনত খাকী শাৰী আৰু কুৰ্তা: এছিয়ান গেমছৰ উদ্বোধনী অনুষ্ঠানত পতাকা কঢ়িয়ালে লাভলীনা-হৰমনপ্ৰীতে
ইপিনে, দলীয় কৰ্মীসকলক উদ্দেশ্যি দিয়া ভাষণত ৰাহুলে প্ৰধানমন্ত্ৰী মোডীক আক্ৰমণ কৰে। তেওঁ জাতিগত লোকপিয়লৰ দাবী তোলে। তেওঁ অভিযোগ কৰে যে মোডীয়ে জাতিগত লোকপিয়ল কৰিবলৈ ভয় কৰে। তদুপৰি, ৰাহুল গান্ধীয়ে লোকসভা আৰু বিধানসভাত মহিলাৰ বাবে আসন সংৰক্ষণ অনতিপলমে কাৰ্যকৰী কৰিবলৈও দাবী জনায়।
