গাধৰ গাখীৰত যাদু আছে! গৰু-ম’হৰ গাখীৰতকৈ গাধৰ গাখীৰ অধিক শক্তিশালী। গাধৰ গাখীৰে যৌৱন ধৰি ৰখাত সহায় কৰাৰ লগতে বাৰ্ধক্যৰ লক্ষণ ধৰা নেপেলায়। গাধৰ গাখীৰে বয়সৰ উজ্বলতা ধৰি ৰখাত সহায় কৰে। নাই, এয়া কোনো বিজ্ঞানী বা পুষ্টিবিদৰ গৱেষণাৰ ফলাফল নহয়। এই দাবী কৰিছিল বিতৰ্কিত যোগগুৰু বাবা ৰামদেৱে।
পতঞ্জলি যোগপীঠৰ গুৰু ৰামদেৱে আকৌ এবাৰ উত্থাপন কৰিলে সকলোকে স্তম্ভিত কৰা এক তত্ত্ব। এতিয়া তেওঁ ক’লে, গাধৰ গাখীৰ আটাইতকৈ শক্তিশালী খাদ্য। গৰু, ছাগলী আৰু ম’হৰ গাখীৰতকৈ বহুত শক্তিশালী। কেৱল মুখে মুখে নহয় যোগ শিক্ষাৰ সময়ত ওচৰতে ৰখা গাধৰ গৰু গাখীৰ খায়।
তাৰ পাছত তেওঁ ক’লে, এই গাখীৰৰ একাধিক উপকাৰৰ আছে। যিটো কেৱল স্বাস্থ্যই নহয় সৌন্দৰ্য্যও বজাই ৰখাৰ চাবিকাঠি। বিশেষকৈ বয়সৰ দাগ পৰিহাৰ কৰি যৌৱন ধৰি ৰাখিব বিচৰাসকলৰ বাবে গাধৰ গাখীৰ অবিচল খাদ্য হিচাপে ৰামদেৱ বাবাই পৰামৰ্শ দিছিল।
বাবা ৰামদেৱৰ কথা আৰু গাখীৰ খোৱাৰ ছবিও পতঞ্জলিৰ অফিচিয়েল ফেচবুক পেজতো শ্বেয়াৰ কৰা হৈছে। যিটোৱে সাধাৰণ মানুহৰ মাজত ভিন্ন প্ৰতিক্ৰিয়াৰ সৃষ্টি কৰিছে। তেওঁ কয় যে আন যিকোনো প্ৰাণীৰ গাখীৰতকৈ গাধৰ গাখীৰ অধিক পুষ্টিকৰ। গাধৰ গাখীৰত লেক্ট’ফেৰিন থাকে। যিটো এটা শক্তিশালী এন্টিঅক্সিডেন্ট।
তেওঁৰ লগত উপস্থিত থকা চিকিৎসক এজনেও ৰামদেৱৰ দাবী মানি লৈছিল। লগতে তেওঁ কয় যে গাধৰ গাখীৰ স্বাস্থ্য আৰু সৌন্দৰ্য্য বৃদ্ধিৰ চাবিকাঠি। ই কেৱল ছালখনক উজ্জ্বল কৰি ৰখাই নহয় বাৰ্ধক্যৰ লক্ষণ কমোৱাতো সহায় কৰে।
বাবা ৰামদেৱে এটা উদাহৰণ দিলে, প্ৰাচীন মিচৰৰ ৰাণী ক্লিওপেট্ৰাই গাধৰ গাখীৰেৰে গা ধুইছিল। যাৰ বাবে তেওঁৰ যৌৱন আৰু সৌন্দৰ্য্য বহুদিন অক্ষত অৱস্থাত থাকিল। প্ৰাচীন পৰম্পৰা আজিও জীয়াই আছে। গাধৰ গাখীৰক ৰামদেৱে ছুপাৰ কচমেটিক বুলি উল্লেখ কৰিছে।
চিকিৎসকজনৰ মতে, গৰু বা ম’হৰ গাখীৰৰ এলাৰ্জী থকা সকলৰ বাবেও গাধৰ গাখীৰ ভাল। এই গাখীৰ সহজে হজম হয়। ইয়াত ভাল বেক্টেৰিয়াৰ উপস্থিতি দেখা গৈছে। নেচনেল লাইব্ৰেৰী অৱ মেডিচিনৰ তথ্য অনুসৰি গাধৰ গাখীৰত অতি বেছি পৰিমাণে ভিটামিন এ, ডি, কেলচিয়াম আৰু পটাছিয়াম থাকে। ই হাড় আৰু ৰোগ প্ৰতিৰোধ ক্ষমতা বৃদ্ধি কৰে।
পাঠকলৈ: এই প্ৰতিবেদন Zee News Hindi সংস্কৰণৰ পৰা লোৱা হৈছে। এই লেখাটো পঢ়ি যদি কোনোবাই গাধৰ গাখীৰ খাবলৈ আৰম্ভ কৰে তেন্তে এই প্ৰতিবেদন তাৰ বাবে দায়ী নহয়। চিকিৎসকৰ লগত স্বাস্থ্যৰ পৰামৰ্শ লোৱাটো বাঞ্ছনীয়।
