অৱশেষত পৰ্যটকৰ বাবে মুকলি কৰি দিয়া হল ৰংঘৰ, তলাতল ঘৰ, কাৰেংঘৰকে ধৰি শিৱসাগৰৰ সকলো ঐতিহাসিক সমল।
ক’ভিডৰ বাবে প্ৰায় ৬ মাহে নিতাল- নিস্তব্ধ হৈ থকা ৰংঘৰকে ধৰি শিৱসাগৰৰ অন্যান্য ঐতিহাসিকস্থলসমূহে পৰ্যটকৰ আগমনত যেন প্ৰাণ পাই উঠিছে এতিয়া।
ৰাজ্যৰ তথা দেশৰ বিভিন্ন প্ৰান্তৰ পৰ্যটকৰ লগতে ৰংঘৰ, তলাতল ঘৰ আদি চাবলৈ ভিৰ কৰিছে বহু বিদেশী পৰ্যটকে।
উল্লেখ্য যে যোৱা ২০ নৱেম্বৰত নৰ্থইষ্ট নাওত শিৱসাগৰৰ ঐতিহাসিক সমল পৰ্যটকৰ বাবে মুকলি কৰি দিয়াৰ সন্দৰ্ভত এক বাতৰি পৰিৱেশন কৰা হৈছিল।
শিৱসাগৰবাসীয়েও চৰকাৰক আহ্বান জনাইছিল ৰংঘৰ, কাৰেংঘৰ ,তলাতল ঘৰ পৰ্যটকৰ বাবে মুকলি কৰি দিবলৈ।
অৱশেষত চৰকাৰে পৰ্যটকৰ বাবে মুকলি কৰি দিলে ৰংঘৰ তলাতল ঘৰ।
ইপিনে পৰ্যটকৰ সুবিধাৰ বাবে এইবাৰ ৰংঘৰ তলাতল ঘৰ আদিকে ধৰি সকলো ঐতিহাসিক সমল দৰ্শন কৰিবলৈ ঘৰতে বহি অনলাইনত টিকট কৰাৰ লগতে টিকট ঘৰৰ পৰাও টিকট ক্ৰয় কৰিব পাৰিব।
