আদিত্য চোপ্ৰাৰ সৈতে বিবাহপাশত আবদ্ধ হোৱাৰ পিছৰে পৰা বলীউডৰ অভিনেত্ৰী ৰাণী মুখাৰ্জীক অভিনয় জগতখনক কমকৈ দেখিবলৈ পোৱা গ’ল।
বৰ্তমান ৰাণী এগৰাকী কন্যা সন্তানৰ মাতৃ। ৰাণীয়ে একমাত্ৰ সন্তান আদিৰা চোপ্ৰাক ডাঙৰ-দীঘল কৰাত ব্যস্ত।
কিন্তু প্ৰথম সন্তানৰ পিছত দ্বিতীয় সন্তানৰ বাবে মাতৃ হোৱাৰ পৰিকল্পনা আছিল ৰাণীৰ। কিন্তু ভাগ্যই কাঢ়ি লৈ গ’ল দ্বিতীয়বাৰৰ বাবে মাতৃ হোৱাৰ সুখ। এই দুখৰ খবৰটো অভিনেত্ৰীগৰাকীয়ে নিজেই প্ৰকাশ কৰিছে।
শেহতীয়াকৈ মেলবৰ্ণত আয়োজন কৰা হৈছে ভাৰতীয় চলচ্চিত্ৰ মহোৎসৱ ২০২৩। বৃহস্পতিবাৰে তাত মুখ্য বক্তা হিচাপে উপস্থিত আছিল ৰাণী। তাত ৰাণী মুখাৰ্জীয়ে ক’লে যে গৰ্ভাৱস্থাৰ পঞ্চম মাহত গৰ্ভপাত হৈছিল।
এই ঘটনা তিনি বছৰ পুৰণি। ২০২০ চনত দ্বিতীয়বাৰৰ বাবে গৰ্ভৱতী হয় ৰাণী। আচলতে ‘মিচেছ চেটাৰ্জী বনাম নৰৱে’ ছবিখনৰ শ্বুটিং সেই সময়ত আৰম্ভ হোৱাৰ কথা আছিল। কিন্তু ৰাণীয়ে ভাবিছিল যে যদি সকলোৰে সন্মুখত নিজৰ গৰ্ভপাতৰ কথা প্ৰকাশ কৰে তেন্তে সকলোৱে ভাবিব যে তাই ছবিখনৰ প্ৰচাৰৰ বাবে এই কাম কৰিছে।
শেহতীয়াকৈ বিজনেছ টুডেৰ সৈতে হোৱা এক সাক্ষাৎকাৰত ৰাণীয়ে কয়, ‘হয়তো এই বিষয়ে মই প্ৰথমবাৰৰ বাবে ৰাজহুৱাভাৱে কথা ক’ব বিচাৰিছো। কাৰণ আজিকালি আমি যিয়েই নকৰোঁ যিয়েই নহওক কিয় সকলোৱে ছবিখনৰ প্ৰচাৰৰ স্বাৰ্থত আমি কৈছো বা কৰিছো বুলি ভাবে। সেয়ে মোৰ ছবিখনৰ প্ৰচাৰৰ সময়ত মই ইচ্ছাকৃতভাৱে এই কথা কোৱা নাছিলো।
ৰাণীয়ে লগতে কয় যে দ্বিতীয়টো গৰ্ভপাতৰ ১০ দিনৰ পিছত প্ৰযোজক নিখিল আদৱানীয়ে তেওঁক ‘মিচেছ চেটাৰ্জী বনাম নৰৱে’ ছবিখনৰ প্ৰস্তাৱ দিছিল।
