নতুন চাইবাৰ আক্ৰমণৰ বলি হৈছে শতাধিক বেংক। বহু বেংকৰ গ্ৰাহকে ধন পেমেন্ট কৰিব নোৱাৰাৰ অভিযোগ উত্থাপন কৰিছে। কোনো সেৱাই পোৱা নাই। দৰাচলতে প্ৰযুক্তি সেৱা কোম্পানী টিচিএছ চি-এজ টেকন’লজিৰ ওপৰত ৰেনছমৱেৰ (Ransomware) আক্ৰমণ সংঘটিত হৈছে।
বুধবাৰে নিশা চাইবাৰ আক্ৰমণৰ বলি হয় চি-এজ টেকন’লজিছ। ইয়াৰ বাবেই সমগ্ৰ দেশৰ প্ৰায় ৩০০ ক্ষুদ্ৰ বেংক আৰু বিত্তীয় প্ৰতিষ্ঠানৰ বেংকিং কাৰ্য্যকলাপ বন্ধ হৈ পৰিছে। এটিএমৰ পৰা ধন উলিয়াব পৰা নাই বুলি গ্ৰাহকে অভিযোগ কৰিছে। লগতে ইউ পি আইৰ পৰা ধন ট্ৰেন্সফাৰ কৰাতো সমস্যা হৈছেছে।
বিষয়াসকলে কয় যে এই কাৰিকৰী বিজুতিৰ ফলত গ্ৰাম্য অঞ্চলৰ সমবায় বেংক আৰু বেংকৰ গ্ৰাহকসকল প্ৰভাৱিত হৈছে, যিসকল এছবিআই আৰু টিচিএছৰ যৌথ উদ্যোগ চি-এজ টেকন’লজিছৰ ওপৰত নিৰ্ভৰশীল। কিন্তু অন্যান্য বেংকিং সেৱাসমূহ স্বাভাৱিকভাৱে চলি আছে।
লগতে পঢ়কঃ তিনিদিনত উদ্ধাৰ ২৭৬ টা মৃতদেহ! ৱায়ানাডত এতিয়াও বহু সন্ধানহীন; ধ্বংসাৱশেষৰ মাজত চলিছে অবিৰত অভিযান
চিষ্টেম ভংগ ধৰা পৰাৰ পিছত যোৱা দুদিন ধৰি চি-এজ টেকন’লজিছে এই সমস্যাৰ সন্মুখীন হৈছে। এগৰাকী বিষয়াই কয় যে চি-এজ ব্যৱস্থাটো পৃথক কৰি ৰাখিবলগীয়া হৈছে আৰু বৃহৎ পেমেণ্ট ব্যৱস্থাটোক সুৰক্ষিত কৰিবলৈ প্ৰয়োজনীয় সাৱধানতা অৱলম্বন কৰিব লগা হৈছে।
কাৰিকৰীভাৱে ইয়াক ‘হাইজেকিং’ বুলিও ক’ব পাৰি। বেকাৰ্ছ হস্পিতাল ৰিভিউ ৱেবছাইট অনুসৰি বিশ্বৰ প্ৰথমটো ৰেনছমৱেৰ আক্ৰমণ ১৯৮৯ চনত সংঘটিত হৈছিল। এইটো এইডছৰ গৱেষক জোচেফ পোপে কৰিছিল। যোচেফে বিশ্বৰ ৯০খন দেশত ২০ হাজাৰ ফ্লপি ডিস্ক বিতৰণ কৰিছিল। তেওঁ কয়, এই ডিস্কত এইডছৰ বিপদৰ বিশ্লেষণ আছে। ডিস্কখনত এটা মেলৱেৰ প্ৰগ্ৰেমও আছিল যিটো সেই সকলোবোৰ কম্পিউটাৰলৈ গৈছিল। সেই সময়ত তথ্যৰ বিনিময়ত ১৮৯ ডলাৰ মুক্তিপণৰ দাবী কৰা হৈছিল। এই Ransomware আক্ৰমণক AIDS Trojan বুলি জনা যায়।
লগতে পঢ়কঃ‘বীমাৰ কিস্তিত প্ৰত্যাহাৰ কৰক জি এছ টি’, দাবী তুলি সীতাৰমণলৈ গাডকাৰীৰ চিঠি
এই Ransomware হৈছে এক প্ৰকাৰৰ মেলৱেৰ যিয়ে আপোনাৰ কম্পিউটাৰত প্ৰৱেশ কৰে আৰু সকলোবোৰৰে এক্সেছ লাভ কৰে। ই আপোনাৰ সকলো ফাইল এনক্ৰিপ্ট কৰে। তাৰ পিছত ই তথ্য আৰু এক্সেছ ঘূৰাই দিয়াৰ বাবে মুক্তিপণ দাবী কৰে।
