যেতিয়া আৰ জি কাৰ হাস্পতালৰ এগৰাকী মহিলা চিকিৎসকক ধৰ্ষণ আৰু হত্যাক লৈ সমগ্ৰ দেশ অস্থিৰ হৈ পৰে ঠিক তেতিয়াই পোহৰলৈ আহিল চাঞ্চল্যকৰ তথ্য। ১২ পইচাত বিক্ৰী হৈছে ধৰ্ষণৰ ভিডিঅ’। মোবাইলত প্ৰচাৰিত এই নটিফিকেচন, মাত্ৰ ৯৯ টকা দিলে ৮০০ৰো অধিক ধৰ্ষণৰ ভিডিঅ’ পাব।
মহিলাৰ সুৰক্ষাৰ দাবীত ৰাজপথলৈ ওলাই আহিছে জনসাধাৰণ। আৰ জিত সংঘটিত হোৱা ভয়ানক ঘটনাৰ পৰিপ্ৰেক্ষিতত এনে অধিসূচনা যথেষ্ট আচৰিত। খবৰ অনুসৰি একাধিক মোবাইল নম্বৰে টেলিগ্ৰাম মেছেজত জাননী লাভ কৰিছে। য’ত লিখা আছে, ‘ধৰ্ষণৰ ভিডিঅ’ কম দামত পোৱা যাব।’ বহুতে আগ্ৰহেৰে সেই ভিডিঅ’টো কিনিছে।
অৱশ্যে এই ঘটনা নতুন নহয় বুলি আৰক্ষীয়ে দাবী কৰিছে। ইয়াৰ পূৰ্বে চিডি, পেন ড্ৰাইভত ভিডিঅ’ বিক্ৰী হৈছিল। এতিয়া এনক্ৰিপ্ট কৰা এপ তৈয়াৰ কৰি মোবাইলৰ পৰা মোবাইললৈ বিয়পি পৰে। এবাৰ অনলাইন হ’লে বন্ধ কৰাটো কঠিন হৈ পৰে। আৰক্ষীয়েও এই কথা স্বীকাৰ কৰিছে।
এই ভিডিঅ’বোৰ যি হাৰত বিক্ৰী হৈছে, সেই হাৰত এই প্ৰশ্ন উত্থাপন হৈছে, ৰাস্তাত নামি, মহিলাৰ সুৰক্ষাৰ দাবীত মাত মাতি কিবা পৰিৱৰ্তন অনা সম্ভৱনে? মনোবিজ্ঞানীসকলে কয় যে পৰিবেশৰ পৰাই হওক বা নিসংগতাৰ পৰাই হওক, মানুহে বস্তুবোৰলৈ চোৱাৰ ধৰণ লাহে লাহে সলনি হ’বলৈ আৰম্ভ কৰিছে। মানুহৰ মাজত প্ৰতিশোধপ্ৰৱণতা আৰু উগ্ৰতা বাঢ়িছে।
