৩,০০০ কিঃমিঃ পৰিভ্ৰমণ কৰা এটা ঢেকীয়াপতীয়া বাঘক জিপিএছ দ্বাৰা বন বিভাগে অনুসৰণ কৰা এক খবৰে দেশত চৰ্চা লাভ কৰিছে।
৩,০০০ কিলোমিটাৰ(১,৮০০ মাইল) জোৰা এটা বৃহৎ অঞ্চল পৰিভ্ৰমণ কৰা পিছত ৱাকাৰৰ ডিঙিত পিন্ধাই থোৱা জিপিএছৰ বেল্ট বিচ্ছিন্ন কৰা হয় ৰিম’ট কণ্ট্ৰলৰ দ্বাৰা।
ভাৰতীয় বন বিভাগে ৱাকাৰ নামৰ এটা তিনিবছৰীয়া ঢেকীয়াপতীয়া বাঘৰ ডিঙিত ৰডিঅ’ জিপিএছ সংযোগী এডাল বেল্ট পিন্ধাই ৱাকাৰৰ পৰিভ্ৰমণৰ তথা বিচৰণ ভূমি আৰু পথৰ ট্ৰেচ কৰিছিল।
যোৱা বৰ্ষৰ ফেব্ৰুৱাৰীৰ পৰা আৰম্ভ কৰা এই ট্ৰেছিঙৰ সময়ছোৱাত ৱাকাৰৰ পৰিভ্ৰমণৰ তালিকাখনে বহু আমোদজনক আৰু অবিশ্বাস্য তথ্য দিছে বন বিভাগক।
উল্লেখ্য যে ৱাকাৰ নামৰ তিনিবছৰীয়া ঢেকীয়াপতীয়া বাঘটোৰ ডিঙিত সংযোগ কৰা ৰেডিঅ’ জিপিএছৰ ডিভাইছো এটা ৰিম’টৰ সৈতে সংযোগ কৰা হৈছিল।
উল্লেখ্য যে, বাঘৰ বিচৰণ ট্ৰেচ কৰিবলৈ বাঘৰ ডিঙিত এডাল বেল্টত ৰিম’ট সংযোগী জিপিএছ সংলগ্ন কৰি দিয়া হয়।
ৱাকাৰে মাত্ৰ এটা বছৰতে ৩,০০০ হাজাৰ কিলোমিটাৰ দূৰত্ব অতিক্ৰম কৰা পিছত জিপিএছ সংলগ্ন বেল্টডাল ৰিম’টৰ দ্বাৰা ৱাকাৰ ডিঙিৰ পৰা বিচ্ছিন্ন কৰি দিয়া হয়।
আনহাতে যোৱা বৰ্ষত ভূটানৰ পৰা অসমৰ কাজিৰঙাৰ হৈ অৰুনাচল প্ৰদেশৰ পৰা পুনৰ ভূটানলৈ ওভতি অহা এটা ঢেকীয়াপতীয়া বাঘৰো বিচৰণ ভূমি আৰু পৰিভ্ৰমণ পথ ট্ৰেচ কৰিছিল বন বিভাগে।
অকোৱা পকোৱা বাটেৰে যাত্ৰা আৰম্ভ কৰা উক্ত বাঘটোৰ ডিঙিৰ পৰা জিপিএছৰ ডিভাইছটো ভূটান আৰু চীন সীমান্তৰ হিমালয় পাদদেশৰ এক পাহাৰীয়া অঞ্চলত ৰিম’ট কণ্ট্ৰ’লৰ দ্বাৰা বিচ্ছিন্ন কৰা হৈছিল।
ৰাষ্ট্ৰীয় ব্যাঘ্ৰ সমীক্ষাৰ মতে বাঘটোৱে ভূটানৰ পৰা যাত্ৰা আৰম্ভ কৰি অসমৰ মানস ব্যাঘ্ৰ ৰাষ্ট্ৰীয় উদ্যানত প্ৰৱেশ কৰিছিল। তাৰ পৰাই কাজিৰঙা হৈ অৰুনাচল প্ৰদেশৰ নামদফা ৰাষ্ট্ৰী উদ্যানত কিছুদিন থাকি চাকটেং অভৰায়ণ্যলৈ যায় বাঘটো।
তাৰ পিছত বাঘটোৰ জিপিএছ ট্ৰেচিঙত ধৰা পৰে যে বাঘটো তাৰ পৰা ক্ৰমে ঝ’ম’টছাংখা বন্যপ্ৰাণী অভয়াৰণ্য আৰু ছানদ্ৰুপ জংখাৰ এটা খণ্ডত প্ৰৱেশ কৰিছিল।
ইয়াৰ পিছত কাজিৰঙালৈ ওভতি আহি পুনৰ কাজিৰঙাৰ পৰা কলিয়াভোমোৰা হৈ তেজপুৰ চহৰেদি নামেৰী হৈ ভূটানলৈ যোৱাৰ তথ্য লাভ কৰিছিল ট্ৰেচিঙত।
পৰিৱেশবিধসকলৰ মতে সাধাৰণতে ভূটানৰ ৰয়েল মানস উদ্যানৰ পৰা কাজিৰঙা আৰু নামদফালৈ বাঘসমূহৰ পৰিভ্ৰমণ কৰাৰ তথ্য লাভ কৰা যায়।
উল্লেখ্য যে ডিঙিত বেল্টেৰ সংলগ্ন কৰি দিয়া জিপিএছৰ জৰিয়তে বাঘৰ বিচৰণ স্থলী আৰু পথৰ সঠিক সম্ভেদ লাভ কৰা দেখা গৈছে।