ক’ভিদ-১৯ এ সৃষ্টি কৰা জটিল পৰিস্থিতিৰ পৰিপ্ৰেক্ষিতত মুখ্য মন্ত্ৰীৰ সাহায্য পুঁজি তথা অসম আৰোগ্য নিধিলৈ ৰাজ্যখনৰ বিভিন্ন অনুষ্ঠান-প্ৰতিষ্ঠান তথা ব্যক্তিয়ে আগবঢ়োৱা বৰঙণি বৰ্তমান সময়তো অব্যাহত আছে।
বিশ্বজুৰি সংকটৰ সৃষ্টি কৰা ক’ৰ’নাৰ বিৰুদ্ধে যুঁজিবলৈ মুখ্য মন্ত্ৰীৰ সাহায্য পুঁজিলৈ আৰ্থিক অনুদান আগবঢ়াইছে কংগ্ৰেছ বিধায়িনী দলে।
কংগ্ৰেছ বিধাসিনী দলে ১২.৫৩ লাখ টকা প্ৰদান কৰে।
ইয়াৰ উপৰি উত্তৰ-কাছাৰ স্বায়ত্ত শাসিত পৰিষদেও মুখ্য মন্ত্ৰীৰ সাহায্য পুঁজিলৈ ১ লাখ টকা বৰঙণি আগবঢ়ায়।
আনহাতে বুধবাৰে মুখ্য মন্ত্ৰীৰ সাহায্য পুঁজিলৈ বিধায়ক অশোক কুমাৰ সিংহীয়েও আৰ্থিক অনুদান আগবঢ়াইছে। বিধায়ক গৰাকীয়ে ১ লাখ টকা প্ৰদান কৰে।
ইয়াৰ উপৰি নৰ্থ-ইষ্ট পেট্ৰ’লিয়াম কেৰিয়াৰ্ছ এছ’চিয়েশ্যনে ১.১১ লাখ টকা আৰু ইণ্ডিয়ান বেংকে মুখ্য মন্ত্ৰীৰ সাহায্য পুঁজিলৈ ২০ লাখ টকাৰ বৰঙণি আগবঢ়ায়।
সংকটৰ সময়ত এইদৰে ব্যক্তি-প্ৰতিষ্ঠানে মহামাৰী ক’ৰ’নাৰ বিৰুদ্ধে যুঁজিবলৈ আৰ্থিক বৰঙণি আগবঢ়োৱাত মুখ্য মন্ত্ৰী সৰ্বানন্দ সোণোৱালে সকলোকে ধন্যবাদ জ্ঞাপন কৰে।
